身份證及回鄉證事宜一問!請幫忙!

我岩岩先換完身份證同回鄉證..

首先講下身份證..
我過左18歲之後幾個月先去換身份證..
因為網上預約身份證個期排得好滿...你起碼要等半個月先有位
如果你唔趕既話..你可以遲幾個月先換..
但係如果你要出境既話而又想快d換到..
你可以大約8點去排隊攞籌....因為攞籌係即日幫你辦到...但睇下你攞到邊段時間..如果攞到下午可能要等好耐..
而你個情況又係星期六先得閒..我諗你仲要早d..
而因為你岩岩到18歲...所以你第一次換就唔洗錢..
攞身份證只需帶你依家張身份証同出世紙去就得啦~唔洗帶其他野...

http://www.immd.gov.hk/chtml/address_4.htm <---- 呢個係辦身份證既各區人事登記辦事處....你睇下邊間近你屋企就去邊間啦~有地址同開放時間...


而回鄉證我就係上網預約...
網址：http://www.ctshk.com/passport/bookrep.htm 記得print番張野出黎

回鄉證上網預約唔洗等好耐~大約一個星期就得啦~
我勸你唔好直接去...因為可能要等好耐...
你要影印身份證同依家果張回鄉證...每樣2張...影2張相...帶埋張回鄉證同print左出黎張野就得啦~
因為係18歲...所以你一續証就係10年..所以要俾 $ 390 ~
上網預約好快就可以走得....你只要一去到攞張form填就去詢問處同個職員講話預約左....佢就會check下你d資料齊未~之後俾張籌你....
叫你等嗌籌...我之後睇下個螢幕...下一個就係到我 ~ 哇...幾快呀~
好快就閃得...希望幫到你啦~

可以網上預約,身分證(入境署)只開上午,而回鄉證(中旅社)可全日都開