細佬想同我借十萬蚊, 我用不用要佢寫一張借據架? 張借據要點樣寫呢 ?

細佬想同你借十萬蚊, 駛唔駛寫借據?
首先, 做得兄弟, 佢為人係點你最清楚, 借據既法律效力係邊? 就係當收唔到錢既時候告佢, 你係咪可以鬧上法庭先?

如果你仍然決定要開借據, 首先, 你一定要搵一個無血緣見証人, 原因係要証明當時佢唔係被迫就範, 而且借據沒被「動手腳」, 就算要搵有血緣, 都唔好搵亞爸亞媽之類既直系親屬, 因為萬一告上法庭, 佢地為左唔想你細佬有事, 都可能會講出一d令借據無效既證供。(p.s.如果法庭判左你細佬要還而佢又唔還, 一係判佢破產, 一係判決x視法庭)

至於借據點寫唔係問題, 問題係要有咩內容, 一般黎講要有:

借款人姓名
貸款人姓名
公証人姓名
貸款金額
貸款年期
利息多少(注意唔好超過香港法例既最高年利率)
還款方法
然後要有雙方及公証人簽名(最少要有你細佬同公証人簽名)
仲有, 要一式兩份, 一份佢KEEP, 一份你KEEP, 兩份都要親筆簽名, 唔可以影印。

其實, 借據都係合約既一種, 大致格式同你既勞工合約, 結婚證書相似, 改一改內文就得。

P.S. 注意借據不可有刪改, 如果改左, 一係重新寫過, 一係在改左的地方給三方簽名

本人陳大文於二00八年X月X日借予陳小文港幣十萬元正，並承諾日後必定歸還(若有說明何時歸還可直接寫日期)，特立此為據。

立據人姓名：　　　　　簽署：
借款人姓名：　　　　　簽署：

2008-05-29 17:57:30 補充：
立據人姓名：陳大文　　簽署：
借款人姓名：陳小文　　簽署：