有關新手養芝娃娃的問題

你好 ~ 我都養緊一隻3個月大的芝娃娃 ~~
依家非常健康 !!! 仲成日走去撩人地同佢玩 ~~
好 ~ 等我回答你的問題先 ~~



1. 我想問佢飲咩水ga? 煮過定水0侯水? 點解?

答 : 當然係煮過既水啦 ~~ 因為水喉水始終未煮過 ~ 會有細菌 , 氯氣果d , 以防萬一丫嘛~ 記住呀 ~ 唔好比熱水佢飲呀 ~ 暖暖地都唔好呀 ~ 狗仔唔食得熱野架 ~ 一定要比d自然凍左既水佢 ~ ** 唔係雪左既凍水 ~~


2. 佢有時個身成日震, 但係抱佢同佢玩個時又冇野, 係咩原因?

狗仔岩岩返屋企都會驚 , 我隻芝娃娃頭岩岩返黎見兩日 ~
係咁叫 , 因為佢想搵媽媽 ~~ 建議你岩岩買佢返黎 ~~ 陪多d佢啦 ~~
同佢玩多d佢就唔驚 ~ 同埋佢會快d習慣新環境 !! ^^


3. 2個幾月既chihuahua食咩狗糧, 乾?濕?混合? 定飲奶?

答: 我隻芝娃娃一返黎 ~ 我比左一碟乾糧 , 一碟浸濕左糧比佢 ~ 另外當然有水 ~~ 浸濕左既糧一定要餐餐換 ~ 乾糧可以等佢食晒先換 ~
浸濕左既糧因為放得耐會冇味,發脹 ,同埋會有細菌 ~~
換左佢免得狗仔食左唔舒服啦 ~~


4. 應該教佢係籠入面去toilet, 定還是比佢係屋企某一個位置去toilet?

答 : 我教左我隻芝娃娃去廁所痾 , 因為容易清洗, 廁所有水喉 ~
如果佢係籠入面去完又訓覺 ~~ 好污糟的 ~~



5. 應該放佢出黎, 定比佢通屋走, 定訓覺先比佢入籠訓?

答 : 我就放佢通屋走 , 狗都係動物 , 比多d活動空間佢 ~ 佢都會開心d ~ 加上佢又未打晒針 , 唔出得街 ~ 係屋企佢有時會自己跑黎跑去 ~~ 好搞笑 ~~ 哈哈 ~~ 係屋企佢自己跑已經足夠佢需要的運動量 ~~ ^^



6. 應該幾時先可以同佢出街?

答 : 當打晒防疫針就可以出街了 ~ 記住打左針唔係即時有效 ~ 要果兩日d藥先開始生效 ~~ 嘻 ~~

** 另加一句 , 岩岩返黎的芝娃娃大便有可能會軟林林 ~ 因為佢緊張 , 驚 , 所以你唔洗怕 ~ 過多幾日佢適應左環境佢就會變返正常屎架喇 ~~ 放心 ~~ 等佢3個月左右 , 你可以開始教佢野 ~~
例如 : 坐下 , 趴低 ......... 嘻嘻 ~~ 祝你成功 ~~


有咩唔明可以e-mail比我 ~~ ^^

1. 我想問佢飲咩水ga? 煮過定水0侯水? 點解?

其實香港的水都較為乾淨, 因此自來水及煲過嘅水都可以.

2. 佢有時個身成日震, 但係抱佢同佢玩個時又冇野, 係咩原因?

可能佢感到陌生嘅環境, 所以有點害怕, 因此當你抱佢時, 佢感到有安全感, 所以佢沒有再震, 所以你可以買件衫仔比佢, 使牠安心.

3. 2個幾月既chihuahua食咩狗糧, 乾?濕?混合? 定飲奶?

其實你可以用乾糧浸濕小小讓牠容易進食, 但慢慢要由浸糧改食乾糧, 因為濕糧對佢嘅牙醫係唔好的, 另外, 佢會不懂得咀嚼, 最好由細開始, 每日幫牠刷牙, 那牙齒會更健康.

4. 應該教佢係籠入面去toilet, 定還是比佢係屋企某一個位置去toilet?

其實並沒有特定, 只是你要考慮牠會在籠裡瞓覺, 或是有床床比佢瞓, 因為狗仔好鍾意乾淨, 若果牠在籠內大小便, 而你又不是即時清潔, 牠便會不停地吠; 或者你可以教牠在籠外嘅報紙去大小便.

5. 應該放佢出黎, 定比佢通屋走, 定訓覺先比佢入籠訓?

牠不能全日困在籠裡, 你每日都要讓牠出來走走, 伸展筋骨, 但小心牠會到處食嘢, 因而導致腸胃炎.

6. 應該幾時先可以同佢出街?

打齊針之後便可以同佢出街.