BB 體重問題

其實你既小朋友都食得幾好呀 小朋友既磅數唔代表一切
只要佢健康 而且每個階段既學習能力都正常就冇問題架喇
小朋友既體形都會有小小遺傳 父母如果唔係好大隻的話
小朋友都一樣唔會太過重
我個仔而家2歲多d 都仲係得廿多磅...=.=
雖然比起其他小朋友細粒d 不過好活潑~
千其唔好咁擔心

另外 如果佢食開果隻奶粉冇咩特別問題都唔好同佢轉喇
因為轉奶粉可能會影響佢既胃口、腸胃等既問題

希望bb快高長大~

你bb3餐奶奶飲幾多安?(會唔會唔飽,因為佢活動量大左)
佢玩ga時間長唔長?
同幾多個月轉和光堂ga??(係咪轉左之後身型增長慢左)
如果係就同佢轉奶粉,唔係就最好唔好轉啦!!!!
體形細粒有可能係因為爸爸媽媽唔高大,又可能係因為佢活動量大左,又或者真係奶粉,佢吸受得無咁好.
其他發展正常,懂得站立及扶住東西行都好好ar,個個bb都唔同.健康正常就得ga啦,唔好太擔心!!!
我bb出世得6磅,頭3個月食能恩,偏瘦.一切正常,係細碼b.3個月後轉明治明顯較吸受,肥左又長左.係中碼多d ga bb.個人應為,奶奶係bb0-3years好重要,lee段時間吸受得最好,一定要迫佢飲3餐奶.不過家下健康院建議唔好俾bb飲咁多奶奶,怕肥過頭wor!!我個仔家下18個月,仲飲4餐8oz奶,照食2餐飯一*mu*米煮.有11kg,身型唔算肥,因為佢成日走黎走去,活動量好大,所以個人應為:佢食得就俾佢食,當然要食得健康.

其實都好正常呀，最緊要係你要留意BB既活動正唔正常，會唔會突然變得成日好似好累唔多想玩<<最緊要<<因為如果真係有問題EX:病或姐係其他問題，最先既係會發現佢開始唔想食野或姐玩，如果以上情況都冇就唔洗特別擔心.你既BB係獨一無二，千萬唔好拎佢同其他BB比較，咁樣只會令佢自卑，最緊要健康，其他既肥或瘦都冇咩所謂啦......


祝BB身體健康.

我覺得不用轉奶粉, 因為轉奶粉一來會影響BB的身體, BB又要重新適應.
其實你BB都幾健康, 只是骨架比較細, 不用擔心. 照你講,你BB都是活動型.