由房署翻新後的公屋, 牆身係咪已經線灰同油油呢?

由房署翻新後的公屋, 牆身已經線灰同油好油, 不過手工真係麻麻, 天花同牆身一定唔會平直, 始終都是建築做一定唔會好像裝修做得咁好, 例如沒有油防潮漆, 灰料太多菜膠及乳膠漆沒有防霉功能等等. 但如你要求唔高都可以用2年, 之後就要重新剷底做大翻新, 可能到時會非常麻煩. 如入伙前已重新做好油漆, 日後舊了只要執灰返油油便可.
以上資料希望可以幫到你, 如再有問題或不明白請補充.

翻新包括：線灰、油漆、重拉過全屋電線+水線、如果廚房和廁所d磚有問題也會包鋪好、另外所有窗+鐵閘+門+水喉+廁所水箱也包保無損壞的，不過手工當然一般，如果要求唔高，只須搞下個地板就可以住(因為翻新不包括地板，如上手有鋪磚也會先剷起才交樓的)。