分手那天晚上就搭上別的女孩，我們還應該復合嗎？

同Ｏ仔一齊左一年，大家ｏ既感情都好深厚
但上個星期五，終於抵受不住佢ｏ既優柔寡斷、冇主見、怕事、
同發脾氣，同佢提出分手，我地都接受左一星期冷靜期後再決定

ｏ係呢一年入面，我真係好愛佢，我唔介意為佢付出
但因為佢份人成日都揸唔定主意
我做女朋友ｏ既無論大小事務都要幫佢出主意
佢想重考會考，但唔知自修生個程序要點
我就幫佢搵會考課程，幫佢諗埋報咩科，仲要幫佢睇埋有咩教科書
加做埋佢補習老師

前一陣子，佢同家人發生爭執，叫佢自己搬出去住
而佢返工ｄ時間又唔定時，所以我無論工作幾忙都好
都日日上網幫佢搵屋租，放工又去地產搵資料，又去睇屋
又諗埋間屋點佈置，ｄ朋友見到我都話我個樣好殘．．．
點知最尾佢話決定同屋企人道歉，留返ｏ係屋企住

有時候，我覺得自己似佢管家多過似佢女朋友
不過除左呢ｄ，佢真係好錫我，同我一齊ｏ既時候都好專一
雖然唔係因為同佢吵大獲而分手，但好多野都一點一滴咁累積
應該是壓力太大導致我提出分手吧．．．

到左星期一，我知道自己係好愛佢，但覺得同佢一齊太辛苦
所以都係決定唔等冷靜期，同佢正式講分手
可能佢ｏ個日唔開心，夜晚同個女仔出去飲野
飲飲下佢就喊左出黎，個女仔就攬住佢叫佢唔好喊
Ｏ仔亦有攬住佢．．．之後個女仔ｏ係Ｏ仔條頸度整左個咖喱雞
好深色，好大個紅印

點解我會知，就係因為我今日放工ｏ咁ｏ岩搭地鐵見到佢
佢話仲好想同返我一齊，因為佢最愛ｏ既人係我
見到佢條頸ｏ既印我就忍唔住問佢點得黎
先知道發生左咁ｏ既事，佢今日原來仲同左個女仔出街，仲有拖手
但係強調只係過馬路ｏ個時拖左一陣
其實佢同個女仔識左兩個禮拜左右，ｏ係公司ｏ既關係曖昧
佢話對呢個女仔有好感，但唔係愛
而且冇一齊到，佢話當時同我分左手，唔算不忠同一腳搭兩船
佢話佢冇左我個腦一片空白，唔知自己做緊ｄ咩，
冇推開佢，所以先會有呢個紅印．．．．

但係佢話佢唔會再見呢個女仔，因為佢想我返去佢身邊
我地都仲係好愛對方，但我心入面始終有陰影．．．
你地覺得我應該同佢復合嗎？