第一天返工要有咩野要注意？？？

要早多少時間返工? 10分鐘前已經足夠，太早d 人都未反到。
另外,我想問若公司遲出糧應該怎樣做? 先問一下同事出通常幾多號出糧，如果到了都未出糧就問下人事部，第一個月好多時都做唔切自動轉賬，會出支票。同埋有d公司會起月尾前幾天出糧，但新人就冇呢個福利，要等糧期完結後先出糧。總之有乜問題先問一問，無謂一開始做野就告公司。
我想問第一天返工要有咩野要注意？？？禮貌同微笑。唔識要問，要寫低，但不能太煩你的同事，因為人地無責任教你做野。每間公司的文化都唔同，要自己執生。初來報到，工作以外的事不要問，不要八卦，對於工作上有不同意見，不能直說，人地行緊的步驟同政策，你可能覺得有錯，要改，但你不能說出來，人地行得自然有道理，你新人唔會明白，等你做耐佐，覺得有需要，先試探地說出來，因為係你要適應間公司，唔係間公司適應你。就算有同事問你意見，都不要發表，盡量小說話，多做事，寫字樓人事覆雜，無謂死左都唔知為乜。做事要有交帶，上司交給你做的事，無論做完未，食飯前同放工前都要滙報，同埋未做完的話比佢聽過進度去到邊，你會跟進。大致如此，但職場覆雜，不能盡言，自己執生。