有關空姐既問題....help!

做空姐安唔安定...會唔會好易比人炒! 其實依家的顧主都好喜歡炒舊人請新人以減輕成本，唔想比人炒就唯有自我增值同努力工作。
如果唔"no"出黎會唔會好難搵野做? 睇下你幾大年紀拉，要轉返去商業機構始終有d困難，因為你地唔知點處理文件，書信往來方面亦要時間掌握。但你地的長處是語言能力高，識得處理唔同的客人同處理危機，轉行服務行業會有優勢。但轉出來時已過40歲，就無論你幾叻都有困難。
一路做空姐.一路讀其它野得唔得???呢個係個人決心問題，冇話唔得，但時間會比較難就好多，因為你地要夾在港的日子才能上課，所以函授課程同遙距課程在時間上較容易配合。

其實每份工都有相同被炒嘅機會，視乎你個人表現，有冇做好份工，做得唔好就份份工都易俾人炒。

唔做空姐都有好多出路嘅，我見過好多出嚟做返寫字樓工，做秘書，admin，customer service等等，好彩嘅可能airline internal揾到位。

做空姐始終有年齡限制，唔可以做一世，所以如果時間許可，一邊做一邊讀絕對係好事，但始終空姐工作時間唔穩定，可能要讀d唔需要regular上堂嘅course會好d。