Levis牛仔褲有邊D出名既型號?點睇一條牛仔褲係咪靚?20分!!

型號同裨型分好多隻...501只係其中一個,501都有細分架如LVC,日版,同周街都係既普通版。LVC即係有年分既如有66年,55年等既復刻版,布料會比較耐用,唔同既年分個CUTTING都有唔同。買既時候要買大2吋,因為佢寫32吋但時實上只有30吋...因為佢會縮水。

而咩叫洗水,洗水即係褲上面一條條我地俗稱既貓SO同D窿窿,係洗牛仔褲既時候加入沙石磨擦出黎既STONE WASH.不過你宜家去LEVI'S四個D多數係人手磨擦同用勾勾出黎既。所以條條眼睇差唔多,細心睇你就會發覺會條條既色同D貓SO,D窿窿都會有差別。買開牛個D人多數會要求SALES拎多幾條比佢地睇下架,佢地會仔細咁睇下邊既色同窿靚先至買......

牛王多指LVC個D.....因為複刻版貴之餘,布料同CUTTING都比教獨特..
501XX...2個X指個布料品質..總之係比一般個D靚啦,所以有牛王既美譽。因為LVC分好多隻,想知多D去問下入面D SALES啦。

點樣睇一條牛仔褲係為之靚??唔通真係夠"爛"就得:唔一定,因為有時冇洗水既牛仔褲UNWASH都好靚....亦都有好多人買同搵UNWASH既牛仔褲架。因為牛仔褲會甩色...一條UNWASH既牛仔褲經你著得耐漸漸甩色而做出一個自己獨有既洗水。即使係爛個D,都唔係條條爛得靚架,睇下個DISIGNER點攪啦!!!

有邊D型號既牛仔褲特別出名同受歡迎
以前有TYPE 1,好多人買....好好著架不過而家停產
N3BP都係好好著,OUT左咁耐但係都有好多人想搵返..
COPPER之前既新LINE不過唔係好多人著.....
501...由70歲到幾歲既小朋友都著...最襟興
SQUAR CUT....個CUTTING好靚男女裝都好受歡迎,我自己都有4條
PATTY ANNE,男裝就有523-522.....

501 絕對係世上最經典既牛仔褲型號, 直腳 cutting 永遠唔會out, 好多其他牛仔褲既設計都以佢為藍本, 連日牛出既復刻牛仔褲, 大多都係跟 501 黎做.

其他型號, 香港人喜愛既有 505, 901等, 但遠遠不及501, 應該話冇任何款能夠與 501 相比.

洗水即係人工咁將條牛仔褲整到有貓鬚同污積, 當然果d 污積係假既, 同埋原本貓鬚係要由著用者由一條原色/unwash 既牛仔褲, 著用一段長時間而著出黎既, 即係牛仔褲上面己摺痕同甩色位, 但人工洗水即係工廠已經將條褲做到好似著左一段時間咁.
但當然人工洗水會好唔自然, 因為始終唔係由人著出黎, 不過這亦已成為潮流.


牛王只係愛好者冠以某一d 名褲或貴褲既稱號, 定義不一. 潮流人士會叫 neighborhood 或 clot 501 為牛王, 而真正牛仔褲發燒友則會叫d 古董 levi's 501 為牛王.

何謂靚, 其實牛仔褲本身既效果為其次, 潮流興乜野款都係其次, 最重要係著上身著得靚, 條褲個cutting 岩你身型, 咁就為止靚. 好似女仔, 如果高瘦長既, 著窄牛會超好睇, 反而著闊款會顯得太瘦, 又正如肥妹唔好著窄牛一樣, 道理就係咁, 條褲款幾靚都冇用, 最緊要係岩自己.
而牛仔褲愛好者, 則會睇條褲出產或者復刻既年份, 磅數, 布料, 染色, 裁剪手工, 車線, 細節位, 配件等等黎決定一條褲靚定唔靚.
而你所講既爛, 其實唔一定, 最緊要係由一條乜都冇既牛, 著到成為一條有自己痕跡既牛, 咁就已經為之靚.

關於牛仔褲既知識, 可以睇下d 論壇如 uwants:
http://www.uwants.com/forumdisplay.php?fid=973

希望可以幫到你~~