腐乳通菜的腐乳醬要煮嗎?

唔使煮,腐乳可以就咁即食架!

通常我自己成日整腐乳通菜黎食,步驟如下:

1. 先加少許油, 雞粉 落水煲滾
2. 水滾後加入通菜淥熟
3. 然後撈起就可以

而腐乳醬做法︰
1. 先取出數粒腐乳 (視乎你有幾多通菜啦)
2. 然後再倒少許腐乳樽入面既汁落去,用筷子將腐乳搞碎變成醬
3. 然後可選擇用菜點黎食 或者 淋上通菜面拌均都可以!

如果係一磚磚既腐乳,就咁用匙羹壓爛已經用得,如果係用黎炒通菜,可以先用油慢火爆香再落通菜,如果當油菜咁食,就壓爛腐乳加落去已經得,唔需要加水或任何調味.
其實,係一d國貨公司入面既超級市場有一樽樽腐乳醬賣,方便好多,好似裕華國貨果d就有啦.

你唔係指炒菜是嗎? 應該係淥菜 right? 咁淨係整碟腐乳醬．　好易 ka jeh. 我一般會落３至４磚腐乳．放入一小碗內．加少許熟油攪爛佢先．．．再加半茶匙糖吊味．再攪暈即可 ka la.

腐乳通菜
首先爆香兩粒蒜肉，三粒腐乳原庄落鑊，用鑊鏟壓平兜勻，加入通菜炒勻，放少少糖調味 (腐乳有鹹味，不用放鹽。)，加少少水，蓋上鑊蓋，一分鐘後開蓋兜勻上碟。
腐乳是可以即食，用作“點”來吃時，用匙壓爛，加幾滴麻油撈勻，正！(若買了太鹹的腐乳，吃時就加少少糖搓勻吧。