我現在住的是7運樓, 好好的, 8運就不好, 想問我一切不改, 7運的好運會不断伸廷下去嗎

風水如何七運轉八運
自從蹅入2004年這一個新元運(八運)之後好多人都不知自己間屋是否也隨著元運而變成了八運屋，又好多人以為間屋重新裝修又或者換左個煮食爐之後也變成八運，其實答案絕對係錯。

要了解自己間屋究竟係六運，七運定八運先簡單了解三元九運是甚麼？

三元九運

在玄空風水中，把五百四十年稱為一個大元，每一百八十年稱為一個正元，而一個正元分為三個單元，分別為上元，中元，下元，而三個單元各分為三個運，每二十年為一個運，詳細列明如下…

上元一運 1864 -1883 甲子-癸未
上元二運 1884 -1903 甲申-癸卯
上元三運 1904 -1923 甲辰-癸亥
中元四運 1924 -1943 甲子-癸未
中元五運 1944 -1963 甲申-癸卯
中元六運 1964 -1983 甲辰-癸亥
中元七運 1984 -2003 甲子-癸未
中元八運 2004 -2023 甲申-癸卯
中元九運 2024 -2043 甲辰-癸亥

三元九運完了，又開始另一個新正元(三元九運)。

每間屋都有九星方位，九星分別為 ：

1(北方) 坎水，2坤(西南)土，3震(東)木，4巽(東南)木，5黃(中央)土，6乾(西北)金，7赤(西)金，8艮(東北)土及9離(南)火。

不同元運起的屋會各自有不同的風水命盤，在六運時要旺起向星6，在七運要旺起向星7，在八運便要旺起向星8。

知道之後可以看一看現在好多人都有以下的疑問 ：

1. 如果起樓果時係七運，但2004年後去買左果個單位，無再裝修，是否仍是七運屋？

答案：有無重新裝修都仍然只係七運屋，無論大裝或細裝。

2. 如果起樓果時係六運或七運，但個業主2007年去裝修，又換了煮食爐？

答案：換了煮食爐都仍然只係六運，七運。

3. 如果起樓果時係七運，之後個業主租左俾人，租客自己在2007年換左煮食爐？

答案：不論業主或租客，換了煮食爐都仍然只係七運屋。


4. 是否八運屋會好過七運屋？ 樓越舊間屋運越差？

答案：不是，運運皆有好屋與壞屋，只要懂在不同元運去佈置風水局便可以了。

其實住樓做甚麼都不可以轉八(元)運的，除非整幢樓重建又或在另一方位重新開大樓總門 (有保留的方法)。

古人常用而有效的方法：

有一些村屋也係三層高，但分別住了三家人，而通常這種村屋二樓及三樓都另開一條樓梯通往住所，住在最上層的人雖然不可以改門，但只要把天花頂大面積地打穿(晒天窗)也可以轉元運的，相對住在二樓便沒有那麼著數了。

個人覺得有保留仍需驗證的方法：

但如住村屋便可以，只要封了原先的大門，例如大門本開在東位，在2004年立春以後在南面重新開大門便可轉成八運屋。如村屋係三層高的，通往二樓三樓的樓梯建在屋內，只要地下最底層的總大門重新開門便三層都同時轉了八運。

只要不“換天心”7運基本上唔會轉地運，7運之氣只會逐漸減弱，能夠行20年的運已經算唔錯了。

每間屋都有宅運，長短睇坐向而定。

七運好而八運不好，只要唔裝修，唔全部換哂d傢俬，應該可以keep到，但你要留意係七運之後，你的屋係咪重係旺星到，七運七到門就旺，但你到八運，七退氣就唔好。宅運keep到，唔代表一定好。


http://sainthood.uwants.com

每個坐向ge屋都有唔同，
要睇番間屋ge飛星盤先知，
由入伙ge七運至向星ge運，
即係最少行一個運(即最多20年)，
最多行哂九個運(即最多180年)，
但係其實而家一間屋住到20年都已經算好耐，
所以一般都係睇古宅或鄉村屋先會睇呢樣野。

希望幫到你！