有關守孝問題，要唔要避開所有應酬

守孝都有分大細﹐你輩份只係女內孫﹐孝唔算太大﹐原則上﹐只要你奶奶及男家親友唔介意﹐你上奶奶屋企亦沒有大問題。

不過﹐奶奶話晒係老人家﹐如果佢健康麻麻地﹐你就不上去為妙。上去唔一定會沖到佢﹐但咁o岩奶奶身體唔舒服﹐引起d無謂猜測﹑指責就唔好。

端午節都係做節﹐親戚圍埋食飯難免熱熱鬧鬧﹐嘻嘻哈哈。守孝期間應避免熱鬧場所﹐不去吃飯為宜。

你先生都有孝在身﹐你避席的話先生亦不應出席家族喜慶活動。唔單止男家親友要照顧﹐你爸爸喪父咁唔開心﹐作為女兒﹑女婿亦要顧及老人家的感受﹐尊重逝去的爺爺。

很多人以為孝要守百日﹐其實不一定。若守足百日孝﹐除左於守孝期間保持追悼心境外﹐穿衣要素﹐飲食簡單﹐喜慶熱鬧要避席﹐一切娛樂取消﹐不能修髮﹐夫妻不行房... ... 守孝期滿還要再請法師主持脫孝儀式﹐對現代人甚不便。

現今很多習俗已簡化﹐一般於先人入土/送入火化後﹐會由法師主持脫孝儀式。脫孝後喪事已完﹐原則上你去哪裡都可以﹐做甚麼都不忌。不過﹐為免觸及一些人的忌諱﹐通常建議待先人去後30日或49日後才探訪朋友。亦有人為悼念先人﹐選擇於先人去後30日或49日後﹐才回復正常生活﹐e.g. 修髮﹑喜慶﹑行房。49日即七七﹐亦叫尾七﹐有完結的意思﹐適宜用作哀悼期屆滿的日子。

既已知爺爺何時出殯﹐已決定何時脫孝。你說的100日相信不是孝期﹐是脫孝後的哀悼期而已。

你奶奶的大壽距離喪事近嗎? 與喪事同一個月嗎? 請提供資料﹐再就你的情況回答問題。謝。


2008-05-29 01:11:45 補充：
奶奶擺大壽﹐最重要一項﹐奶奶及男家介唔介意你去先? 如果佢地交由你自己決定﹐你就要搞清楚究竟係即日脫服﹐定係守孝至三七? 七七? 百日?

你爺爺係農曆四月尾過身﹐五月出殯。奶奶新曆八月生日﹐擺大壽係農曆七月。假設你地跟現今一般做法 - 即日脫服。脫服當日係農曆五月﹐過埋七七都係農曆六月中﹐仲隔多兩個星期先到奶奶壽宴。

2008-05-29 01:12:41 補充：
即係話﹐你奶奶嘅壽宴同爺爺喪事足足相隔1 3/4個月(以農曆計)﹐時間唔算短。而且已經過左七七﹐七七係先人去後最後一個七﹐以前d人為先人打齋超渡都係做到尾七﹐視為功德圓滿。除非有個別人士守孝/悼念至百日﹐否則過左尾七就可以話成件白事已經完全過去(現代做法)。

紅白二事最緊要睇下係唔係同一個月﹐相隔幾耐。相隔超過一個月以上﹐又過埋七七﹐你去奶奶的壽宴沒有問題﹐最緊要老人家唔介意。

2008-05-29 01:14:07 補充：
重新再講一次﹐脫服當日﹐孝子賢孫脫去孝服﹑沾過扁柏水﹑跨過火盤﹐就係要洗去一切霉氣﹐重新生活。不過為免親朋好友怕觸霉頭﹐亦想悼念先人﹐多數人會set一個悼念期﹐e.g. 30日﹑49日﹑百日﹐等悼念期滿再恢復探訪﹑修髮美容﹑娛樂。

孝期係直到脫服當日﹐過後嘅係悼念期唔係孝期﹐唔好搞錯。脫服當日已洗去霉運﹐所以悼念期內孝子賢孫已不再帶著霉氣﹐只不過set一個過渡時期﹐過一過冷河﹐等當事人及身邊人都覺得已經俾足夠時間d霉氣散走﹐心安理得咁解。

2008-05-29 01:17:55 補充：
只要你係尾七或之前脫服﹐你去奶奶壽宴根本不存在相沖的問題。除非你屋企人決定守孝至百日才脫服啦... 咁你唔單止唔可以出席壽宴﹐連籌備喜事嘅野都唔可以沾手。

撇開習俗﹐從人情方面睇﹐你唔出席壽宴﹐親戚朋友實會問你去左邊。到時大好日子﹐奶奶或者你先生點開口話俾人聽你有白事在身唔出席得? 唔通話你唔得閒? 咁人地咪誤會你好不孝? 況且件白事根本就係做完左﹐相隔差唔多兩個月﹐連尾七都過埋﹐百無禁忌。如果連奶奶都唔介意﹐你何必擔心太多。

2008-05-29 01:25:22 補充：
最重要嘅係﹐你搞清楚officially守孝到幾時未呢? 還是你爸爸希望你哀悼爺爺至百日期滿? 要不然﹐真係不太明白你所講"一定要100日"係咩意思。可以再解釋下嗎?

YES, 你唔可以去人屋企, 人地不可以到你屋企; 如要去９９到, 一定要詢問你９９介唔介意先.


--From my experience- (問左99話唔介意--佢是基督徒, 我爸爸走左一星期後, 便帶BB去９９屋企)



擺大壽去唔好~要see下你的心情好返味 同 分隔幾耐

2008-05-27 15:30:52 補充：
-----------------------------------------
守孝期內主要禁戒 –



1) 只穿白.黑.灰.藍.等素色衣。


2) 不行淫


3) 不參加喜事,不做喜事


4) 日日拜祭


5) 佛教徒不殺,不盜,不淫,不妄言,不兩舌,不綺言,不惡口,不飲酒!