用咩野方法餵人奶最好?

✔ 最佳答案

只要媽媽和BB的姿勢正確，BB又正確地吸吮，媽媽是完全不會痛的。BB還未學懂正確的方法(特別係初生BB)，不但會令媽媽很痛很痛，佢自己亦飲唔到奶架。要解決這問題，就要令BB學懂正確的方法。
用奶泵泵出來餵，是短期方法。若長期用會令媽媽的造奶量越來越少，加上BB仍未學懂正確方法，一時用樽餵一時埋身餵，會令BB混亂，阻慢了他的進度。有些BB更喜歡了飲奶樽(省力)而不肯埋身飲，這樣餵人奶的計劃就被迫告吹了，對母嬰來說都是的一大損失。
以我純用人奶餵大三個的經驗，現階段你可以食止痛藥─Pandol止痛(一日四次；每次500mg。一粒500mg唔夠的話，可食到兩粒即1000mg。注意1000mg已是最大份量的了，應該足夠你廿四小時餵十幾次奶所需的止痛，不要超過這個限度！！)，同時間好好教曉BB如何正確地飲奶(其實BB飲唔到奶，佢自然會學到飲到為止的)。這種日子只需維持兩、三日(其間千祈不要補奶粉)，等到乳頭好返，BB又學曉好好地飲奶，咁就要恭喜你，因你已過了最重要但又最難過的一關。事實上，很多媽媽都捱不過痛這一關而放棄餵人奶的，多可惜！！
講多少少，雖然現在的情況是比較辛苦，但絶對值得堅持。因在一般情況下，飲人奶的BB身體的確比飲奶粉的BB好，而且聰明d。這時我自己的親身體會。我三個b(三個都飲到兩歲，頭六個月更以純母乳餵哺)，兩歲前除了打防疫針之後少少發燒之外，都未病過。這點很重要，因為BB細，唔舒服只一味喊，又唔識講，擔心死阿媽。佢地咁細個如果成日病，又食埋咁多藥，對佢身體、心理成長都唔係咁好啦。生得BB都係想比佢最好的。
介紹個母乳育嬰協會的網站給你，裡面有好多關於餵人奶的實用資料，好有幫助架。當然亦歡迎寄信給我啦。
圖片參考：http://tw.yimg.com/i/tw/ugc/rte/smiley_1.gif

加油啊！預祝你成功！
(以上食止痛藥方法，每次我生完BB醫生都是這樣教我的，絶對安全，放心吧！)

回答 (2)