倉鼠生完bb營養問題!!!急急急!!!杰請入

A.5月11日出生,到26日都只係16日大,如果冇打到一定要分開既話(熊仔鼠比較易未戒奶就打交),只係鼠媽唔係點理,最好都係等到18-21日先戒奶會比較好,其實鼠鼠已經十幾日大,鼠媽媽既照顧係會減少既
提早戒易令鼠b身體較差,如果真係唔能夠等多幾日既話,要分籠都可以既,只係冇咁好

B.想補充返營養,可以買鼠專食既魚仔乾,而人既白麵包,麥片都可以
唔知你既鼠鼠生過幾多胎同埋與上一胎距離幾遠,不過就算只係生過一胎,對鼠媽媽既身體已經做成好大既傷害,所以最少生育過兩次既鼠鼠,出現明顯瘦弱並唔出奇
不過食既野只係一d補救既方法,最好都係停止要鼠鼠去生育,唔係既話真係食咩都補唔返

C.另外,其實之前生過4隻,而家又再多6隻,加埋鼠爸鼠媽,已經有12隻鼠了,唔知你會唔會將佢地一隻隻咁分開飼養呢?
倉鼠係獨居動物,就算同一胎既鼠,都唔慣一齊生活,如果唔同性別,仲有亂倫既可能,加上生育對鼠鼠係有咁大既傷害,真係好希望你可以考慮一籠一鼠及停止繁殖鼠鼠

我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

倉鼠mum唔理佢!!!!!因為呢倉鼠媽媽身體唔可以製造體力去照顧鼠bb
加上鼠媽媽唔食野就會冇奶比bb飲所以唔好把d食物放到鼠媽媽睇唔到既地方否則鼠媽冇奶比bb飲死亡o我話比你知d食物唔好自己比鼠媽
因為你隻手會有細菌鼠媽食左d細菌會破壞鼠既細胞兒死!!!!!!!!!!!!!!!