我想問咁樣係唔係比人欺凌？

我記得中一個陣聽過一個講欺凌的講座,改花名同無啦啦打左你幾下同埋叫d同學係體育堂睇你換衫,其實已經可以告佢欺凌架喇..其實你可以同屋企人講..
1.叫佢地打去學校同你個班主任講
2.寫張家長信同班主任或校長,如果個班主任都唔理,直接打去同主任級或校長講....
3.你可以同你學校個社工講嫁..佢地都會處理..會問下個個死仔包d解要咁做..
p.s.如果真係要打去同校長講...記得將你的問題同屋企人講到一清二楚..
有時有d校長會好事事旦旦咁同你屋企人講話,,「好好好,,我會盡快處理。」(我間學校就會= =")
如果屋企人聽到利句就要同校長講..「真係盡快先好阿,唔好不了了知阿,我仔/女真係好唔開心喎,成日都比個個同學咁樣蝦!校長你一定要盡快處理阿,唔該哂阿,校長。」唔得再打第二次...第2次最好就惡dd
一般校長聽到之後都會知真係要盡快處理..因為利個家長唔係就咁打去講講就算...(因為之前我阿哥因為一d金錢ge事同班主任嘈,我爸爸就好有禮貌咁同校長,,點知個校長都唔理..仲話返我阿哥轉頭,之後再打第二次個校長被我爸爸鬧到好慘..之後個班主任做到上學期完左就被人炒咗 - -"

如果打左之後..學校又處理左個同學...佢都係唔識死的話,,
你可以去警局到報案..不過就要有人證明佢真係蝦你囉,,,仲可能要叫埋睇你換衫個d人證明下係咪真係有咁ge事囉..
警察會受理ge..不過就唔一定會做d咩..可能只係叫個死仔包唔好再咁..加上佢又冇打到你流哂鼻血咁..一般都係鬧吓死仔包唔好再咁,,同理同你講sorry咁囉...
不過去報案真係好煩..又要叫家長又要利樣個樣...如果唔係非必要就唔好去搵警察黎煩自己喇..- -"

希望你早d脫離個位死仔包/死女包ge苦海喇..+油!!

這種人其實很想看見你發怒個樣,你越怒他的心越高興,這叫心理學上控制遊戲.所以你如果想玩贏這個遊戲,就要表示他相反期望的情緒性.例如哈哈大笑,他取你花名,你就同他開玩笑,取笑他一番.相反你越怒他越覺得有趣,更加不時找你玩.所以重點係你要令他自討沒趣就會自動消失.就好似一部點按都唔會動的升降機一樣,你一動他就會按你多幾下.

報警求助? 我相信未必受理
你現在受到的對待, 可算是校園欺凌 ....
為什麼不告訴你的學校班主任or訓導主任? 佢地一定受理
向學校社工投訴更能令你得到保護
不過你自己都要檢討一吓, 為什麼會受到如此對待, 你是否一個好學生?

警察會唔會受理就應該不會,但如你覺得這事情影響你日常生活,你可先找社工幫助,相信會給到一些適當指引,始終在這裡三言兩語不能清楚你的情況.請諒!

2008-05-26 19:49:05 補充：
不要怕社工幫不幫你,他們定必找最好的方法解決事情