音響組合接駁

咁要視乎你套5.1有甚麼輸入.
駁PS3又要出到5.1聲效的話,至小要有光纖輸入.有HDMI更好,用紅白線的話只可以出到兩聲道聲音.我咁講係因為好多連DVD既5.1組合都係預咗只有自己內置嗰部DVD先出到5.1聲,其他外接器材只預你出兩聲道.
如果有光纖輸入的話,你可以用PS3既光纖駁5.1系統,另外視像部份的HDMI,色差,S-video或者AV線就可以直接駁電視.
如果有HDMI的話就應該駁PS3既HDMI去5.1系統,再用5.1既HDMI輸出去翻電視.
其他器材都係,有光纖或者同軸就接去5.1系統,視像部份直接電視.
需唔需要接晒去5.1系統先再去電視機,聲音部份就一定係,但視像部份則視乎你電視的輸入端子夠唔夠.如果夠就直接去電視好啲.唔夠就靠5.1系統做selector,不過大前題當然係你個5.1系統都要夠輸入先得.