我想買尼龍衣柜

真係巧合！ 今天我亦想買個拉鏈布衣櫃。因為去荃灣看望朋友，順便就在荃灣行左大半日去找，結果失望而回；雖然我沒有買到想要的東西，但希望以下資訊對你有少少幫助啦。

千色店家品部：無賣此貨。

愉景新城傢俬直銷中心內有兩款。
ａ）高約5.7呎，寬約2.5呎，深1.5 呎；面料顏色為淨深藍色，無紋無圖案，內無層架，價格＄99.9。
ｂ）高約5.7呎，寬約2.5呎，深1.5 呎；面料顏色為淨深藍色，無紋無圖案，但上四分之一為透明塑膠，內有層架，價格＄１３９。


吉之島傢俬部：有兩款。
ａ）高約６呎，寬約３呎，深1.5 呎；面料顏色沉悶，圖案為古怪的黑色人影；價格＄５４９。
ｂ）高約６呎，寬約2.5呎，深1.5 呎；面料顏色圖案為白底深藍色格仔紋，價格＄４６０。

以上面料的顏色我都唔中意，所以我冇買到。

2008-05-27 13:08:31 補充：
我買到啦～～

荃灣街市街，街市正對面有間家品鋪有得買（眾安街與街市街交匯處，會見到間星展銀行，隔離係交通銀行，再隔離就係喇）。有幾款，塑膠面料，防水防塵，花紋顏色有得揀。我記得兩款：

ａ－－（大約）高160cm, 寬75cm, 深50cm；價格$ 210。
ｂ－－（大約）高170cm, 寬90cm, 深50cm；價格$ 229。

2008-05-27 13:12:17 補充：
〔實惠傢俬〕亦有兩款，但都係防塵不織布的面料，不防水的：

ａ－－（大約）高165cm, 寬75cm, 深50cm；價格$ 179。無花紋，淨灰色。
ｂ－－（大約）高170cm, 寬90cm, 深50cm；價格$ 199。無花紋，淨藍色。

我自己認為塑膠布面料最好用，可以濕布來清潔，方便又靚。所以我買左一個。

唔知你中意邊ｄ面料，希望ｄ信息對你有小小幫助，自己考慮下啦。

2008-05-27 13:16:34 補充：
我個塑膠布衣櫃＄210，原來內面仲有層架添，又有橫通可以掛衣，fit 晒！！:)

觀塘-家品屋(康寧道),就有啦!

我見過...
實惠都有得買噃 !

日本城 或 實惠應該有.
尼龍衣柜記得放吸濕器, 因為它一點也不防潮.

尼龍布衣櫃, 中間有拉鍊, 要自己安裝的.

其實有些小形傢俬店或雜貨店都有得買, 此外...

日本城, 永安, 吉之島, 千色店 都有.