陳慧琳Love Fighters演唱會08 - 非常無賴

我都覺得佢咁樣做好白痴囉, 如果我哋會掛住賑災而冇心情睇佢個演唱會, 咁佢應該取消哂所有場, 而唔係剩係取消加場! 唔通正場嗰D人就有心情咩?!

我哋買加場都係因為買唔到正場啫, 想睇又冇得睇, 點知而家仲要咁遠水路專登走去退票, D車錢唔知邊個可以俾番我!

點解佢唔可以照開加場, 然後叫D fans捐錢同埋將D 收入捐哂出唻, 林海峰都加場義演啦, 點解佢反而取消加場啫!? 既然D門票都賣得七七八八, 就唔應該取消啦, 而家咁樣影響仲大啦.

我問過hotline, 佢話六月七號同八號去到夜晚九點前都可以退票.

我已向蘋果及歌迷會投訴，並很快收到回覆，Apple會聯絡主辦機構了解及跟進，真的氣憤，忍無可忍 ! 賠錢呀!!!!!!

"您好,

本人買了6月7日陳慧琳演唱會, 但最後因售票情況差而令主辦機構被迫取消，本人得悉，退票由2008年5月26日起至2008年6月9日止，還要到去紅磡退票及在每日早上10時至晚上6時30分逾期作廢，真的離譜，又要人專登走去紅磡退票還限時買限刻，我在元朗住及返工，怎能去退呀！煩請貴報向主辦機構及陳慧琳投訴及反映，要求他們盡快作出恰當安排。此外，本人在網上購票及付了二十元作郵寄門票，現在演唱會又無得睇，二十元肯定無得退，還要出錢坐車到紅磡退票，請貴報向主辦機構及陳慧琳作提問，問他們合理與否，叫他們作出賠償，以表示他們的歉意。"


------------------------------------------------------------------
敬啟者：

本報「社會服務版」已接獲　閣下電郵，並已安排同事跟進，如有需要補充資料便會聯絡　閣下。如對個案處理進度有任何疑問，歡迎致電2990 8763向負責記者劉小姐查詢；或電郵致[email protected]，與職員聯絡。

另請注意，由於記者需要外勤工作，一般在下午二至七時較大機會回到報館而能接聽電話。
謝謝。
《蘋果日報》社會服務版啟
----------------------------------------------
先生╱小姐：

　　您好！首先因演唱會取消而帶來任何不便，深表歉意。如閣下在網上購票及已支付二十元作郵寄用途的話，閣下可憑收據退回有關款項。另外，如在退票手續上有任何不便，煩請致電２３４３１０１９聯絡主辦單位，你或可留下聯絡電話，我可替閣下跟主辦單位聯絡，盡量為閣下提供最方便的退票方法。

陳慧琳國際歌迷會

**廢話**