各位請進！！家庭問題

你想要什麼答案呢?相信我呢個答案比較另類,但希望幫到你^^

相信你老豆老母有精神病或者俾外星人入侵左肉體,
如果你想幫佢地,從中解脫,你就要用返到屋企做曬功課,
再溫埋書先好玩電腦,同埋做野要有手尾,得閒要自發性
幫手做家務,咁樣做,就會幫你老豆老母減輕佢地既生活壓力,
相信佢地對你既嚴厲係出自幾個原因:
1.你11歲開始大個女,會開始有自己一套的想法,
佢地想用管束及責罵作為教育你成才的方法.
因為宜家佢地唔管唔教,難道等你他日做錯事,交俾其他人教?
養不教,父/母之過,
你都要體諒作為父母既苦況.
2.佢地出去做野,受到上司下屬四方八面既壓力,
例如上司交落好多工作俾佢做,做死人咩?
教D野俾下屬做,下屬做野又無效率,想玩死我咩?
最後返到屋企,個女又顧住玩電腦,去完洗手間又唔記得熄燈,
做野又無手尾,一味叫你買乜買物,成績又愈來愈差(或者一路都咁差)
作為老豆/老母,見到個女咁,你會點做?
佢地實為,罵在你身,痛在他們心,罵人很過癮?
關心就俾個女視為黑心,你話痛唔痛心?

最後建議:
做好自己,對得住天地良心,那怕他們亂罵一通.

同埋

唔好咁自私,只係識係自己角度諗,
嘗試係你老豆老母既角度諗下.

咁奇怪?! 聽你咁講, 你同爸媽的關係都幾好噃, 你都好鍾意佢地放工番尼陪你.

如果你檢討過, 應該唔係你做錯事的話, 咁可能有事發生在你爸媽身上, 令到他們對你的態度大變. 樂觀d, 可能只係佢地突然發現以前太縱你, 有d野好想你改改, 咁咪改改對你的教導方式囉! 悲觀d, 就真係可能有大事發生左響佢地身上, 佢地處理唔到, 個人亂晒, 控制唔到情緒.

最後, 我想你都係找個機會同佢地傾下, 或請老師幫手了解, 你爸媽咁錫你, 應該冇事o既.