我想買相機(DC) 想問一些問題和意見

其實我覺得唔同牌子啲顏色取向係會有小小分別,但係大致上都叫做靚的,平時見到啲顏色古古怪怪的多數是設定不正確所引致.好多人信晒全自動就影,曝光,白平衡都冇搞好,偏色就話部機唔靚,但係部機去到另一個人手上啲相又可以好靚.所以一張半張失敗的照片未必一定係關部機事.
冇錯28mm咁廣角係一定會有桶狀變形,就算大型單鏡反光機都好難避免,越廣角就越勁.呢個可以講係廣角鏡頭既特性.不過除非你係影格仔紙或者門邊一啲有好長直線既物件,又或者用來近攝先會比較覺,平時影相係唔太大影響的.而且廣角鏡仲有一個特性係邊緣景物會比較歪斜.所以你會聽人地講影團體相唔好企咁邊.其實其他35mm機都一樣有變形,不過小啲,要差不多去到50mm先會完全冇.
咁睇來廣角焦距好多缺點,但係你唔係買定焦機嘛,你只要zoom出啲影就會冇咗呢啲問題,但係如果買部冇28mm既,要用起來就冇得用.
你講既咁多部機來講我比較建議Fujiflim F100fd,因為佢用咗比較大呎吋既1/1.6吋CCD,而且Fujiflim既雜訊控制一向比較好.部機光圈細咗小小同埋微距普通咗小小,但算係可接受範圍內.
以下網頁有相機的規格,你仲可以click入去睇下其他用家既相.
http://www.dcview.com.tw/forums/camlist.asp