我想問下.....唔同品種既食人魚(食人倉)幾錢??

食人鯧．．．你諗清楚未先？
食人鯧未至於食人，但係明顯係肉食性魚類，下顎突出有力，牙齒鋒利，一群一齊攻擊時破壞力尤其強。
水族發燒友養o既食人鯧品種都唔少，有ｄ如黃鑽、黑紋紅勾，都幾舊水一條，仲未係好大；黑色仲貴，過千元！而一般閒閒地都可以手板咁大條。
咁大條魚又咁貴，食用器材都唔會差得去邊。你要餵小魚、小蝦，甚至餵牛心。佢地又快大，所以缸要大，而由於食量大，痾又痾得多，加上食活餌，污染亦會嚴重，所以過濾器效能要求亦高。
又由於佢地咁有攻擊性，細魚入缸一定無剩，同得佢一缸o既，要係o係原生地（阿馬遜河）生活o既大型魚，你o既選擇自然細左；到你萬一養到厭，處理佢地又麻煩，因為唔係人人都有興趣同地方接收佢地！而放生更唔得，因為本地原生魚冇能力抵抗佢地，會造成生能災難，放入魚池更係下下策，之前都試過有細路放手入水池俾食人鯧咬傷。
所以，一定要三思。

2008-05-26 11:11:12 補充：
價錢其實冇話一定標準，你如果諗清楚都真係想養，要自己格下價。

但我都係勸你唔好。

價錢我就唔知.因為冇養

但係我可以話俾你知新手絕對唔岩養食人魚

因為d食人魚要好水質

又要食肉

你要買d魚仔俾d食人魚食

跟住但係如果d食人魚食左又會有血

就要換水.

跟住啊d屎又大粒

同埋要大魚缸.

咁你話難５難養?!我養左幾年都係只係養淡水魚