嫲嫲過身了,爺爺怎辦?

確實的告訴他，祖母已離世，同時開導他，如說：「祖母有哮喘病，離世對她來說是一種解脫，同時祖母年事已高，這種是笑喪，我們應該開心的將她送走，要不，她不能投胎做人，只有永遠永遠的坐在床邊，難道這就是你希望的事嗎？」
其次是不要太過要求他搬離現住的社區，因為老人家很難適應新社區的人、事、物。因此，若除非他很體弱，否則還是讓他住在現時的環境，然後再為他報讀一些耆英課程，如太極、書法等等，好讓他將時間及精力消耗在這些地方上，而不是在懷念過去中度過。
我曾在老人宿舍工作愈十年，你可給我電郵，將你祖父的情況告訴我，但由於我現時經常入院，所以未必能即時回信給你，請見諒！
ps：我是假設你祖母已過八十，及是信奉佛教或道教之中國人。

爺爺日日諗住麻麻, 所以我哋要轉移佢既注意力,
首先要畀爺爺知道︰
麻麻真係有福氣, 可以喺屋企睡夢中死去,
唔使喺醫院果度對住D冷冰冰既環境,
喺醫院真係好無助, 冇人幫到佢,
但係而家可以喺老伴照顧下死去, 係上天既恩賜。
仲要記住唔好用安慰既語氣, 要用分享既態度,
話如果自己將來都可以咁就好咯。
除非爺爺可以完全恢復同諗通,
否則長遠計真係要離開傷心地, 避免睹物思人。
唔好諗住同佢去遊埠散心, 咁會嘥錢兼令佢更難受,
因為佢會更加覺得去邊都冇心機啦,
老伴都走咗咯, 有咩意思呢?
可以考慮吓番鄉下探親, 住一排先。
最好就係畀更多責任佢, 等佢唔得閒諗咁多,
好似叫佢湊孫, 多啲請教佢搵佢幫忙,
或者去老人院做一D有跟進性既義工,
佢可能會為咗負責任暫時忘記傷痛。
最緊要班後生多D体諒, 唔使對佢特別好,
不過要傾多D偈, 知佢諗緊乜嘢。

你真孝順！

不如去搵你爺爺住嗰條邨嘅區議員幫手啦！