32寸宽屏和传统29寸电视哪个可视面积大？

29吋傳統顯像管電視由於4角聚焦做唔到三色疊正,所以要遮住小小,可視呎吋最多得26至27吋.
就當佢係27吋,用畢氏定理計到長同闊係等於21.6吋 x 16.2吋,面積等於約350平方吋.
至於寛屏32吋係足數32吋的,同樣用畢氏定理去計,得出邊長係27.89吋 x 15.68吋,可視面積係437平方吋.
咁表面睇可視面積係32吋寛屏比較多.但係其實要計埋你睇甚麼比例的訊號多,如果係16:9多的話,自然係32吋寛屏大.但係如果主要訊源係4:3例如現在的模擬廣播的話,其實只可以用到寛屏中央一部份(你接受畫面變形的話就例外).那麼你會發覺寛屏的高度是比較矮的,只有15.68吋,用翻4:3計的話,可視面積就會得翻328吋,約等於一部可視面積有26吋的傳統.
之前都講過傳統29吋電視大約只有26至27吋可視面積,所以單計4:3畫面,其實32吋寛屏可也可視作29吋傳統電視大小的.