倉鼠有幾多年命?

1.熊仔鼠對人其實係十分溫馴,我養過好多隻熊仔鼠,人地養養下唔要我再收養既都好幾隻,但從來我都冇俾熊仔鼠咬過



但當然有較惡既鼠,但點解熊仔鼠咁溫馴都會咬人,就要諗返有咩問題出現







熊仔鼠對人溫馴,但對住第隻鼠卻會表現得凶狠,比其他品種既鼠更年幼已出現打交,仲會打得特別勁,所以比其他鼠更早更需要一籠一鼠



相信隻女鼠一到你家既時候,已經係同隻鼠爸一齊吧?如果冇鼠爸就係已懷孕?兩樣都會令到鼠鼠好易去咬人



都要留意返會唔會係抱鼠鼠既方法唔正確,加上鼠鼠一到你家時未習慣你就想抱佢,兩樣都會令鼠鼠受驚而咬人







鼠b未戒奶(21日戒奶)時,最好就唔好打擾佢地,以免增加鼠b死亡既風險



你話生完bb之後鼠媽咬你,要留意返分開左鼠爸未,其實佢唔傷害鼠b已經算十分乖了,唔好以為鼠b已經12日大就可以掂佢地,亦有鼠b十幾廿日大俾鼠媽媽食or打死既可能







要鼠鼠唔咬你,一定要了解鼠鼠既喜惡同尊重鼠鼠,鼠b戒奶後一籠一鼠,絕對係有幫助改善鼠鼠咬人既問題,更詳細既資料可參考以我我回答既知識:



http://hk.knowledge.yahoo.com/question/?qid=7007111004638







2.鼠b要到大約15日大左右先會開眼



鼠bb成長階段:



第十二日: 鼠媽媽開始唔會幫鼠b清理排泄物,鼠b會自己爬出去搵野食,要注意俾放既糧食既野唔可以太大舊,整細粒d d糧,如果近粉抹既食物就要加少少水.



第十五日: 開眼



第十六日: 出齊毛啦



第十八至廿一日: 戒奶,要將bb同媽媽分開







3.鼠b長大後,約21日就可以戒奶分籠,要將鼠b獨立養,避免有亂倫or大隻打細隻既情況,最好當然係一籠一鼠,熊仔鼠真係好早已經2存戈會會打得好勁,我之前買左隻已懷孕既鼠,未到戒奶都打到一隻耳仔冇左一部份,一隻就發狂地叫



唔好以為同一胎就冇問題,都唔好以為鼠鼠可以同父母一齊住,鼠b戒奶後,鼠媽就唔會再照顧鼠b,只會當普通鼠一樣







如果唔要其他鼠b可問朋友要唔要,都可以俾鼠店,鼠b一般都會要既,但其實你都知道唔會要得晒鼠b,點解仲要鼠鼠繁殖呢?希望你真係可以考慮唔好再繁殖鼠鼠啦







4.熊仔鼠比其他常見寵物倉鼠長命D,一般係可以去到2-3年命,最長命既我試過4年多,不過只係一次



其實呢D只係大約既數字,飼養得好,係可以唔止既,就好似人咁,都有D人百多歲呢



最緊要關心多D鼠鼠既身體,留意鼠鼠既起居飲食,唔亂俾野俾鼠鼠食,環境又乾淨衛生,又冇第隻鼠一齊住,有病就即時處理,睇多D書了解多D鼠鼠,咁就可以較長命了



但當然,有D鼠基因上有問題OR得到一D嚴重既病,就好難好長命了







另外,其實鼠鼠最好分籠,繁殖鼠鼠會有好多問題,希望你可以考慮之後唔好再繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:



1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既



2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢



3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢



4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦



5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

希望網友可以尊重一下,唔好copy我既回答,我所有回答除提供必要既官方資料外(例如環保署處理動物屍體方法),都係自己親自打出唻,希望大家都可以尊重原創,謝!而且該回答同呢條問題並冇關係既
抄襲既知識係以下我回答既知識:
http://hk.knowledge.yahoo.com/question?qid=7007121700122

熊仔鼠係長命D,一般係可以去到2-3年命,最長命既我試過4年多,不過只係一次
而較細隻既鼠大多只有1.5-2年命,我自己既鼠就試過2年多

其實呢D只係大約既數字,飼養得好,係可以唔止既,就好似人咁,都有D人百多歲呢

最緊要關心多D鼠鼠既身體,留意鼠鼠既起居飲食,唔亂俾野俾鼠鼠食,環境又乾淨衛生,又冇第隻鼠一齊住,有病就即時處理,睇多D書了解多D鼠鼠,咁就可以較長命了
但當然,有D鼠基因上有問題OR得到一D嚴重既病,就好難好長命了

2008-05-25 16:38:29 補充：
漏左字,抄襲既只係網友ax_lai

其實分別唔會好大 通常倉鼠類平均壽命都係2-4
鼠類生命其實幾短暫 熊仔鼠同其他倉鼠分別最大都應該算係體形
熊仔鼠一般身形都比普通倉鼠大
順帶一提 鼠鼠生育率幾高 一年已經可以生好多胎
一胎又可以生好多隻 如果你有養男女鼠鼠
你要小心照顧唔到咁多隻