電腦的外型

電腦熒幕的形狀是四方!!!~

電腦（英文：computer），即係「計算嘅機器」，中國國內以前就正正叫做計算機或者電算機，係按照一系列指令（又叫程式）嚟處理數據嘅機器。

電腦用途廣泛。其實電腦係一種可以處理任何資訊嘅機器。根據邱奇-圖靈假設，即使係具有最小能力嘅電腦，只要有足夠記憶體同時間，都可以完成下至電子手帳（PDA）上至超級電腦等電腦嘅工作。因此，同樣嘅電腦設計不但可用於計算工資單，甚至可以用嚟控制無人太空穿梭機。而家電腦比起早期嘅設計無論喺速度同數據處理量方面都要高好多。而由英特爾（Intel）名譽董事長摩爾經過長期嘅觀察之後發表現嘅摩爾定律更加認為每隔18個月集成電路（IC）上面可以容納嘅電晶體數目就會增加一倍，亦暗示電腦嘅性能都會番一番。

電腦嘅外型有好多種，最初嘅電腦有成間戲院咁大。而家都重有咁大嘅電腦設備，而且專門用於科學計算同埋大公司（例如銀行）所需嘅事務處理，呢種超級電腦通常稱為大型機（Mainframe）；而個人使用嘅較為小型嘅電腦，稱為個人電腦（Personal Computer, PC）；便攜式可移動嘅電腦就叫做手提電腦或者膝上型電腦（Laptop Computer）。個人電腦同埋膝上型電腦係隨處可見嘅資訊處理同通訊工具，亦係廣大非專家概念中嘅「電腦」所指。不過，而家用得最多嘅電腦其實係嵌入式電腦，一種用於控制各種設備嘅電腦，用嚟控制比如飛機、數碼相機（Digital Camera, DC）等。











[編輯] 電腦嘅誕生

電腦嘅祖先包括算盤同Antikythera mechanism（公元前87年希臘人用嚟計行星運行嘅工具）。中世紀末期，歐洲數學同工程學又開始開花；1623年，Wilhelm Schickard就成功整咗第一部機械計數機。

1820年，Charles Babbage第一個設計出可以編寫程式嘅計算機。不過由於嗰時技術有限，錢亦都唔夠，設計無即時實現到。之但係，一啲技術好似打窿咭同埋真空管，響19世紀末證明咗喺電腦運算係好有用。Hermann Hollerith整咗部機器，可以自動處理大量打窿咭。

20世紀頭半截，有好多科學運算要用到一啲好專門同精細嘅類比計算機。呢啲計算機，直接利用機械或電學來模擬問題。不過自從有咗可以寫程式嘅數碼計算機，就好少用到喇。

在1930、40年代，更強同靈活嘅計算設備連續建成，逐漸形成現代電腦嘅雛型，譬如1937年對數碼電子技術（由克勞德・沙朗發明）同更靈活嘅編造程式性能，但係咁並唔代表"第一部電腦"已經誕生。呢段時期嘅成就有，Atanasoff-Berry Computer（1937），使用閥門（真空管）去計算二進制數字同埋保存記憶嘅機器；英國Colossus computer（1944），只能夠運行小量程式但可以用閥門去重編程式；美國 Electronic Numerical Integrator and Computer（ENIAC）（1946）- 第一真正地通用機器，但重用十進制和仍有固定結構令佢每次使用都需要再次輸入程式；以及Konrad Zuse's Z machines，用機電Z3（1941）是第一部機器去執行二進制算術和程式。

負責起ENIAC個小組，睇到部機嘅瑕疵，就設計咗一個更有彈性，更好嘅架構，叫做記低程式架構（stored program architecture）。佢可以話係所有現代電腦嘅基礎。1940年代未，有唔少小組開始發展呢類電腦。第一部係響英國完成。第一部行得嘅叫小規模實驗機器（Small-Scale Experimental Machine），不過，第一部實用版就叫做EDSAC。

1950年代開始，由閥門推動嘅電腦投入服務，直到佢哋喺1960年代畀晶體管電腦取代為止。晶體管相比起閥門來講又細又快，而且價錢平啲，重更加可靠，結果晶體管就喺呢個優勢下被大量投入工業生產。到咗1970年代，集成電路嘅採用令電腦能夠喺足夠低嘅成本下，令到大眾都可以擁有一部類似現今嘅電腦。