✔ 最佳答案
其實冇聲狗咬死人 有d狗 唔聲唔聲就撲埋黎咬 連吠都冇
分辨佢地善意定惡意其實都唔易....
有d狗會一邊吠 一邊會退後(呢d多數唔咬你 只係叫你離開佢地方)
有d狗會一邊吠 一邊上半身 半趴係度勁"胡"勁吠(呢d真係要小心 佢已經有想撲既沖動)
我本身住村屋 附近都幾多流浪狗 不過講真 流浪狗係唔夠d有望人養既狗惡
流浪狗只係聲大 只要你離開佢地方 佢唔會再跟你吠你(除非你有惡意)
但有主人果d就唔係 好難判決佢善意定惡意 早兩個月
附近鄰居隻金毛 沖閘而出 之後已經直撲埋黎咬我同我老公
當時我嚇到唔知點算好 好彩只係比佢咬爛條裙
不過老公就比佢咬瘀左 事後 我地拎支鐵通 勁拍佢主人個鐵絲網
叫佢主人出黎 隻狗先即刻走返入花園....
我平時放狗 行一段大直路 之後先到大空地
果段路 分幾堆狗 通常都係一堆堆 沖出黎吠
不過我就唔會同佢地有眼神接觸 直行直過
一行過佢地方佢地就唔會再跟住我
如果唔好彩 比佢阻住你去路 你都唔好望佢對眼
唔熟既狗最好唔好有眼神接觸....之後慢慢行 唔好跑 佢會追你咖
如果手上抱住狗狗 佢可能會聞你隻狗狗 但你當佢地透明就ok
我平時都係咁咖咋~_~
如果都係好怕呢類狗狗 帶定支水 如果隻狗真係想咬你撲你
用水潑佢 記得潑佢鼻(呢個方法老豆教 佢成日行山遇到流浪狗)
對外既狗狗同佢地有眼神接觸 可能會令狗狗以為你有惡意咖
同埋你一跑 佢地多數會追 慢慢行反而未必會有事