我在屯門碼頭去馬灣公園

屯門碼頭總站 坐 九巴59M(往荃灣站)，去到總站落車，上返南豐中心經天橋過去港鐵站，沿港鐵站外行人天橋向綠楊方向行，近綠楊商場入口轉右過對面，轉左沿天橋直行到尾，轉右就到多層停車場(即係小巴總站)，行前少少轉右有樓梯落去小巴站，落去後轉右可以落返西樓角路，路邊有巴士站坐珀麗灣巴士，到咗馬灣後第一個站落車，對面就係，可以問吓管理員點行。

有三個方法可以幫到你：

( 1 )
先係屯門度搭輕鐵到元朗大馬路(即係恆香老婆餅店對面)落車，再轉264m到青衣機鐵站落車，然後係機鐵站既A出口行去C出口，再搭扶手電梯落下一層，就會見到有個車站及一D黃色同埋寫往珀麗灣既單層巴士，號碼係( NR 330 )，上車後大概10分鐘就會到。
繁忙時間班次為10分鐘一班，非繁忙時間為15分鐘一班，車費為$7。
上車地點：

圖片參考：http://www.pitcl.com.hk/chi/image/bus/pic_map_2.gif




( 2 )
可以先搭57m / 58m / 61m / 67m 其中一架到葵芳(新都會廣場)，然後再過馬路到葵菁劇院同埋新都會廣場之間的兩條消防通道，你行去新都會廣場的一條，就會見到有個車站同埋D黃色及寫往珀麗灣既單層巴士係到，號碼係( NR 332 )，上車後大概15分鐘就會到。
繁忙時間同樣班次為10分鐘一班，非繁忙時間同樣為15分鐘一班，車費為$8。

上車地點：

圖片參考：http://www.pitcl.com.hk/chi/image/bus/pic_map_3.gif



( 3 )
可以係屯門度搭西鐵到荃灣西站落車，再行出海滂就會見到有個珀麗灣渡輪的碼頭，係碼頭上船後10-15分鐘就會到。
繁忙時間同樣班次為15分鐘一班，非繁忙時間同樣為30分鐘一班，票價為$5.5。


上船地點：

圖片參考：http://www.pitcl.com.hk/chi/image/ferry/pic_map2.gif



P.S!!!

唔建議你搭船，因為如果你miss一班船話，就要等大約30分鐘先至有一班，而且行多10分鐘先到！而搭巴士去既話，就係落青馬橋後第一個站落，但點行去就唔係太清楚，你可以去以下網址睇一睇。
http://www.mawanpark.com/chn/location.php

-------------------------希望可以幫到你啦！-------------------------