破產沒有辦法洗底的揾律師幫delete之前嘅破產&信貸紀錄

法例規定, 由法律程序日期起開始計算, 信貸資料庫(環聯)可保留存檔破產為期八年. 保留其他公眾記錄為期七年. 即係你破產同之前欠債唔還嘅信貸紀錄, 係會留在信貸資料庫中起碼7-8年. 而且呢個紀錢錄亦會留在債權銀行的內部資料庫中, 期限隨不同公司而定.
你係無辦法揾律師delete破產 / 欠債紀錄嘅. 除非你在4年破產期內提前清還所有欠債, 咁你嘅提前清還欠債紀錄亦會登在信貸資料庫中. 但只係多一個紀錄, 即係衰到貼地但加番小小分啫. 唔係代表你破過產呢個事實會被删除.你的信貸紀錄是不會 "良好" 的. 只會是你的破產資料會在約8年後由信貸資料庫中被删除.删除並不等如良好. 銀行內部亦會keep住你的信貸資料. 因為唔係公開, 所以係無時間限制嘅.
雖然根據香港法例, 破產人在後其破產令解除後, 任何人或機構都不可對其作出歧視. 但現實中, 超過98%的銀行, 財務公司同信用卡公司都會以"商業理由"或"唔想做你生意"為理由而拒絕借錢俾你. 因為係商業決定, 政府亦吹佢唔漲. 講真, 咁多人申請信用卡 / 借錢, 佢無必要做個"花底" (即bad credit)嘅客. 做少一個, 唔會生意跌. 所以大部份銀行不會幫你做按揭.


*我見過一個例子, 在1985年爭過AE 7千元, 到2004年都申請唔到AE卡!