音樂問題(20分)幫幫忙!

1.咩係模進、模仿?
模仿句︰即係第一句同第二句差不多，只係改左少少旋律或節奏，第二句就係模仿句。模仿第一句，稍作改動，稱為模仿句。
模進句︰第一句同第二句節奏一樣，只係第二句o既旋律模仿第一句升高或降低同一個音程。例如︰第一句係drmrd，第二句升高2度的話，就會變成rmfmr。又例如︰第一句係sfmrm，降低3度音程，就會變成mrdt,d。升高或降低幾多個音程都可以，只係第一個音升高3度，後面所有音都要升高3度。第一個音降低5度，後面o既音都要降低5度。

2.咩係大調、小調?以咩音階為主?
大調音階︰d r m f s l t d'
小調音階有3種︰
自然小調︰l, t, d r m f s l
和聲小調︰l, t, d r m f se l
旋律小調︰(上行)l, t, d r m fe se l (下行) l s f m r d t, l,
用聆聽o既方法分辨大、小調︰
好多人話大調o既歌曲會有愉快o既感覺，小調就會悲哀一o的，其實唔係咁簡單，仲有好多學問。不過，初學音樂o既人，用呢種方法都已經足夠。
視譜分辨大、小調︰(以下假設整段音樂冇轉調)
大調音樂︰首先睇最後一個音，通常會以 d 音結束，因為大調音階以d音作第一個音，亦都係最重要o既一個音。而開始第一個音會係d m s其中一個音。
小調音樂︰最後一個音會係 l 音，因為小調音階以 l 音作第一個音，亦都係最重要o既一個音。而開始第一個音會係l d m其中一個音。

3.咩係節奏頻現句?
節奏頻現句︰通常係伴奏出現，同一句節奏句(可能一個至數個小節)不停重複出現，伴奏整首歌，稱為節奏頻現句。