我能成功挽救嗎?

其實2號樓主既答案已經好好, 但我睇到你話:"我真係好想挽救e段感情,,
變到最原始,,
可以嗎? ""

好有感觸....傻妹...妳要明白...如果有人可以將愛情變回最原始, 果個人一定識時光倒流....

雖然我唔點解msn事件中佢要呃你, 可能佢係因為係佢太愛妳而唔想你亂諗(先唔好將呢個可能性放大), 亦有可能佢根本想同果個女仔發展...呢樣要知道佢地對話既內容同埋傾計既次數先知啦..

至於佢地2個一齊放學......人地點傳你唔好理.......因為好可能係果個女仔自己中埋去既...唔關你男朋友事...

拍拖耐左.....愛情轉淡係唔可以避免........可唔可以由愛情轉為更深一層既感情...要睇兩方面....一隻手板拍唔響....你既然已經話左比佢知大家有危機......佢唔做野即係佢已經再無心.......

就算今次佢呢個女仔既出現....第時同樣會有第2d問題...呢個女仔既出現..只係導火線....炸藥一早已經埋下左...

千萬唔好同自己講唔信同佢一齊咁多個月一d感情都冇..
我吾信佢會吾理我感受同第2個一齊..
我吾信佢會背叛我..


咁樣你自己會轉牛角尖....

事實已成就要諗辦法解決......去接受...

妳而家要做....就係比佢知道妳好愛佢....一齊經歷過一d野, 感情先會堅固..

佢放唔放棄你.......係佢自己既選擇.....記住....唔好比自己咁大壓力...

妳仲細(最少你仲返緊學)....等你痛完, 喊完, 就知道愛情係咩野味道架啦.......

要我講, 可能我可以有4-5種方法......令你留住佢...但我感覺到你呢份感情係好乾淨..好pure~我唔想令你呢份感情比野沾污左....

而家, 你可以忍受到就忍受啦......但千其唔好令自己受太大既傷....到你忍唔到既時候.....你就會安然離開....可能你男朋友最後只係愛你一個呢...你問邊個都唔知架, 只有佢先知....

希望你會開心....

我個人認為,
未必可以會回復到以前咁,
或者佢都還愛你,
但係佢亦不忘新鮮感既吸引囉,
始終感情係永遠都敵唔過新鮮感既,
我覺得真係好難會好似以前咁囉~

我係你身上見到信,望,愛三個字!
你真係一個對愛有憧憬既女仔,真係好難得!
我同你講,男仔既天性,一定會出去搵女仔,呢個係一定,最緊要既係佢對你好同真係中意你既姐,每個人既價值觀都唔同,有人覺得冇乜大不了,如果女友蠢唔明接受唔到同,咪搵d理由呃下佢囉,但係佢個心仲係愛你架
你中意一個人,就應該容納佢既一切,包括佢既花心,卑鄙,自以為是,自作聰明,同埋對愛對人生既無知..因為呢d都係上天比我地既過程,同一個人既本質係無關係架!
作為一個男仔,體諒佢女友既方法,就係要比佢更霸道,佢女友先會聽佢話,先會有機會令到佢做到對你好既野
作為一個女仔,其實唔應該懷疑你中意既人!即便佢係特登呃你都好!因為佢總會有佢既原因!
你真係能夠無限包容地去愛佢,佢一定會回頭是岸架!只係要比d時間,比d耐性!同埋唔好傷害自己,令他人難堪
如果一個女仔唔可以包容到佢,o甘呢個男仔就會對佢女友失望架喇....

要挽救,只能同你講,唔好太執著,只要令佢開心,比佢識下第d女仔,咪由得佢lAW....又或者你可以親口支持佢同埋唔好收埋你自己既感覺...
同佢分手其實唔係唔好架,因為一對前男女友,其實比一對男女友既感情更深厚,冇人可以拆得散一對分左手既男女架,人要向前望,留得個心在,分手又如何?分手係進步!
呢個先係真包容
要愛,就要付出,但係唔好索取他人既回報同認同!
至於如果因為唔想傷害自己,鬥同對方心理戰,鬥機關算盡...比你win左又有乜意思呢...呢個只係遊戲!唔係愛!

2008-05-29 17:17:43 補充：
如果想變原始,其實你可以試下全身個look同埋d行為舉止言談都換一換季
然後當重新識佢一次,比個驚喜佢
呢個行為并唔邪惡,但幾有效

其實人為既野真係無限架,咩野諗得既其實都可以做,怪d都冇所謂
只要習慣和貫徹始終就不會怪

做人輕盈一點,會發覺其實很多野只是很容易就做的到

轉一轉環境,會發覺跟本就不須要為之前的煩惱尋找答案

你要知道信任係愛情的根源...
你要相信佢...!人哋同你講佢的壞話又點...
你係鍾意你男朋友既話,洗咩理人點講,係咪先~
不過,如果佢對你既感情淡咗,你都唔好放棄!
但係如果佢仲係愛你既話,一定有得救!
不過,你唔好纏住佢!!如果唔係,佢會覺得你煩...
或者佢因為唔得閒..所以無打比你...!
如果你再有咩野問題,就send e-mail比我...我可以答你~