我用緊canon400d每次影相都會好黃,有咩方法可以保救????

其實唔止400D,大部份相機在室內燈膽光源下,如果用自動白平衡都會偏黃的.相信係原廠設定想保留一點現場氣氛.想糾正的話可以唔好用自動白平衡,試下用佢既預設燈光白平衡,應該就會冇咁黃.如果都仲想再糾正多啲,就可以用手動白平衡,方法係搵一張白紙或者一啲中性的灰階物件例如灰咭咁,在手動白平衡模式下俾相機影一影佢,話俾相機知甚麼是白色.
另一個最大彈性的方法就係影raw,咁事後用跟機的軟件就鐘意點微調都得喇.不過就要張張用軟件轉,比較麻煩.
以上講既方法係假設你用自然光,即係燈光去影,如果用閃光燈情況又會完全唔同.閃光燈既光係白光,相機係好清楚閃燈光是甚麼白平衡的,所以用自動白平衡理論上冇問題,但必需要符合一個條件,就係只有閃光燈的光,冇另一種光源.如果你用咗較慢快門,較大光圈或者較高iso,任何一樣會吸收到過多現場光既設定,都會讓燈光影響到相片變黃.要避免的話就要在閃燈前加黃色瀘片令光源色溫一致.
至於你話用iso 400,如果係用自然光的話,應該都有咁需要,否則快門會好慢,除非係用腳架影靜物,如果光圈細,冇防震或者影既嘢郁得快的話分分鐘唔夠高,可能要用iso 800甚至iso 1600都唔出奇.
唔明你甚麼是個av較高啲,相信你是指開大光圈吧.好難講係唔係要咁做,一切視乎當時環境.大光圈可以增加快門速度,有利涷結動作及減小手震影響.但副作用係會令景深變淺及有可能劣化畫質.未必開大就係好.尤甚係影模型,通常都要用較細光圈去令增加景深,令清晰的範圍增加.


2008-05-24 17:17:48 補充：
如果你係影比較細件既模型,我建議你用光圈先決,低iso,手動對焦,用腳架影.光圈可以用大約f16,視乎件模型大小,大件可以大啲,細件要再細都唔定,要慢慢試,白平衡就用手動白平衡即係用紙做標準嗰種或者影raw.
如果唔係咁細件既模型想手持影,鏡頭又有防震的話,可以用iso 400,自動對焦,白平衡一樣係手動.快門先決,設定做你唔會手震的安全快門,睇下光圈可以幾細,如果去到f5.6應該都OK的,太大就最好用翻腳架.

2008-05-24 17:18:01 補充：
人同狗則視乎你想要甚麼效果,由於我唔知你有甚麼鏡頭,只可以好大約咁講下,想淺景深或者人同狗有啲郁可以用大一點光圈及較高iso去涷結動作,必要時用iso 1600都要,留意快門有幾快,越快越容易涷結動作但就可能要放棄一點畫質.光圈亦未必係最大就最好,近攝的話要適量收細.如果係比較靜態畫面,可以試下慢小小快門,細啲光圈,低啲iso咁影,當然要留意快門是否足夠唔手震.另外自然光唔掂就要考慮用閃光燈.
我經驗係大部份單鏡反光機都黃的,唔單只Canon.所以唔可以太依賴全自動.
手動白平衡的正確程序應該係你先要揀手動白平衡,相機自然會問你攞標準,這時對住白紙影一下相機就會紀錄低.

2008-05-28 08:42:05 補充：
要減小吸收現場光應該係用細光圈,快快門同低iso.用大光圈會吸多咗現場光的.

在 室 內 烏 絲 燈 光 或 光 管 光 下 若 用 較 慢 ( 30份 秒以 下 )快 門 拍 攝 , 往 往 會 拍 攝 到 現 場 頗 具 燈 光 氣 氛 即 所 謂 太 黃 的 場 面 , (話 說 回 來 , 在 攝 影 藝 術 來 說 , 有 時 是 故 意 保 留 這 黃 com com 氣 氛 ) . 據 知 許 多 時 沖 印 店 職 員 與 顧 客 ( 所 謂 攝 影 大 師 ) 發 生 掙鈔 , 有 些 沖 印 技 師 遇 太 黃 都 會 代 調 減 黃 的 .
致 於 要 免 拍 太 黃 , 可用 光 圈 大 些 高些 快 門 加 閃 燈 , 減 少 吸 收 現 場 光 .

會唔會係你無SET 好個WHITE BALANCE~
你試下喇