canon一問

係冇問題絶對可以影到相的,但在低光環境可能冇辦法手持影相,要靠腳架或者只用閃燈影前景
IS在廣角焦距冇用的歡念是不太正確的.如果真的是這樣的話就不會見到有人用廣角鏡拍攝夜景時上腳架了.
防震有沒有需要主要視乎快門有多快.即使係廣角焦距,如果快門速度非常慢係一樣會受手震影響的.所以就有安全快門的理論.
一般認為安全快門約等於焦距的倒數,即係用17mm焦距,快門速度最好快過1/17秒.來到數碼年代.Canon 400D有1.6倍焦距增長,17mm的等效焦距變了27mm.安全快也要提升到1/27秒.有試過室內影相的人就會知道,這其實是一個都唔太易逹到的快門值.有需要推高iso同開大光圈去達成.但加高iso會增加雜訊,開大光圈又會失去對景深的控制.而且17-40mm f4L最大光圈只有f4.有機會要用到好高iso.這時防震就發揮作用,而且亦係好合邏輯的處理方法.一般防震約可以降3至4級安全快門,用翻相同例子,以降3級快門值計算,安全快門大約只需要1/4秒,比起1/27秒,這是一個非常容易達到的快門.可以大大減低使用高iso及大光圈的需要.
雖然透過練習,有些人係可以用比安全快門稍慢的快門仍然拍出清晰的照片,不過人始終有極限,唔可以好似有防震咁慢咁多,現在越來越多的鏡頭加入防震功能,即使廣角鏡也不例外,雖然價錢都貴沒有防震版頗多,但一樣非常受歡迎,沒有實際作用的話消費者是不會願意付錢的.
17-40mm f4L之所以咁貴,一來用料同光學質素都確實係好,二來因為要兼顧全片幅,好多錢係花咗去保持邊緣的解像度,但係400D係APS-C片幅,鏡頭邊緣的可見位都已經被裁走,用咗既錢唔係咁有價值.其實用得咁既錢,不如加多千零蚊買Canon EF-S 17-55mm f2.8 IS USM,專為APS-C片幅設計,光學質素好,大光圈,防震,超聲波對焦乜都齊.唯一缺點只係唔可以用在大片幅相機度,除非你諗住遲啲換大片幅相機,否則極力推薦呢支.