出院後一直食唔落野 , 而且要成日訓覺 ??

我四月中因腹痛入左醫院 3 日 ... 有抽血有驗尿有照 x 光 ... 唔同醫生講唔同 ge 病 ... 有 1 個醫生話可能係尿道炎 . 有 1 個醫生話可能係腹膜炎 ... 有 1個醫生話可能係卵巢有問題 . 有 1 個醫生話係內臟發炎 . 有 1 個醫生話可能係盲腸炎 . 有 3 個醫生話可能係壓力太大 . 搞到肚痛 ... 醫生開左幾日抗生素我食 ... 依家都冇咩腹痛 ... 5月尾要入返去照電腦掃瞄 ...
個問題係 ... 以上咁多病 ge 可能性 ... 有冇可能導致我食唔落野 ?
我入院頭兩日一直吊鹽水 , 醫生唔俾食野 ... 第 3 日就俾粥我食 ... 但係我一直食唔落野 ... 我以為出院之後會好 d ... 但出院成個月 ... 我一直冇想食野 ge 感覺 ... 我可以成日都唔食野都唔肚餓 ... 即係食唔食野都係咁 ... 我未入院之前好大食架 ... 成日係咁食野 ... 一餐最多可以食 2 碟飯 ... 依家咩都唔想食 ... 我有時見到 d 野食 ... 仲會有 d 反感 ... 唔想食 tim ar !! 點解會咁 ge ?
另外一個問題係 ... 其實我冇做過任何手術 . 只係係醫院吊下鹽水 . 訓下病床 . 睇下電視 ... 但我出院之後一直都好累 . 成日都覺得好眼訓同頭暈 ... 有種感覺係 ... 有小小覺得有時個身體唔係屬於自己咁 ... 我係應屆會考生 ... 我會考完 ... 一直都冇出去做野 ... 生活可以話係好他條 ... 我以前放咁多年暑假 , 都會因為生活冇寄託 . 而失眠 ... 依家我係朝早食完早餐就眼訓 , 訓左陣 ... 食完 lunch 又訓 , 之後食完 dinner 又 sleep ... 一覺訓到大天光 . 好晏先起身 ... 其實我覺得好奇怪架 . 因為我以前一直訓唔著覺架 . 但出院之後 . 我 d 生活習慣就咩都改變晒 ... 街又唔鍾意出 . 行步路都比以前慢好多 . 野又唔鍾意食 . 剩係想訓覺 ...
請問大家知唔知點解會咁樣?