急!!!有關被康文署追討圖書款項問題

你好，我曾在公共圖書館任職數年，相信可解答你的問題！
圖片參考：http://hk.yimg.com/i/icon/16/5.gif


首先，如果你好肯定自已係十年內都無借過書，張證又唔見左比人盜用埋的話，我對你o既遭遇深表同情。但想提返你一句，你遲遲無報失，所以若有人執左你張證去借書唔還要比罰款或賠書都係你o既責任，因為你申請得張證，就有責任好好保管你張圖書證同埋唔見左就即刻報失啊！
圖片參考：http://hk.yimg.com/i/icon/16/33.gif

點解咁多年你都無收到過電話？等我試下解釋你知：

1. 最基本原因可能係你當初申請圖書證時的地址電話同依家唔同，咁樣有可能收唔到信同電話wor~你有無搬過屋/改過電話而無去圖書館改記錄？

2. 欠圖書館錢的讀者不止你一個，而係有幾百什至上千個讀者欠緊書或者罰款 (以每間圖書館計) 圖書館並無專人負責去逐個人打電話，係隔幾個月有時間先清算一次 (即逐個圖書館account開一次，睇下該讀者的記錄清左未)，之後先再打電話同寄信，完全人手操作，偶有錯漏都唔出奇

3. 圖書館職員致電讀者的時間不定，但大多在圖書館辦公時間中抽空去打，呢d時間通常係館內無乜人果d上午、下午咁，而且係打去你屋企 (段估你十年前唔會留手提電話號碼的吧？)，會唔會係你返左學/工所以接唔到職員電話？

4. 至於信方面，如果唔係圖書館個記錄錯左，無可能會收唔到。(出庭的信由法庭記，所以唔關圖書館事)

想查詢呢件事，建議你去返就近任何一間圖書館同職員講返呢件事，講返你個身份證號碼職員就可以開到你個account。你可以check返以下o既野：

- 你張證借過d咩書 (有可能見到之後你會有印象係自已借？)

- d書係邊間館借o既 (如果係自已從未去過的圖書館借出的，就代表你張證真係被盜用左)

- 你個account的地址電話有無錯

- 有d館會係職員致電讀者追討欠款不果之後，在讀者account內留下有關曾嘗試聯絡的message，你可以問下職員你個account內有無。如果無就challenge返佢，問佢係咪無通知過你 (消下氣都好嘛)

最後，我只係幫到你咁多，上到法庭都可能會因為張證係你o既，所以你要負返果筆罰款的責任啊！以後小心d！其他證件都要收好啊！

以上如有說錯，請多包涵。
我只係希望幫到你！
圖片參考：http://hk.yimg.com/i/icon/16/8.gif

大家投票是否只求就手???

002 的答案比001 詳盡,
而且由一位曾在公共圖書館任職數年的用戶提供資料, 答案可信性很高!

其實, 公共圖書館, 只要你欠交二星期,,
佢會通知你去還書...
(兩三年前公共圖書餂既網上面睇)...
如果你冇跌到張借書證,,,
你可以去圖書館查一查..
睇下你借左乜野書.....
如果真係有記錄話你借左書...
你冇得講啦..
你一定要罰....
因為冇證據話果的書唔係你借