六月尾、七月頭，旅行好去處？

我有以下建議:
1. 日本的北海道, 因據上次跟團的導遊說, 七月頭(其實最好是七月的第二週)去北海道看薰衣草最好, 那時那裏的薰衣草最靚, 我們上次於八月頭去北海道, 雖然都仲見到薰衣草, 但已經係水尾, 有d都謝謝地, 但未謝的都好靚, 不妨考慮吓!
2. 印度, 一個我覺得一世人都應該去一次的地方, 响有東方瑞士之稱的喀什米爾住船屋好特別, 晚上的星空特別美麗, 見到天上很多很多的星星, 又好似跟我好接近, 那裏的確是個美景, 當然其他地方都很吸引, 如世界著名的七大奇景之一的"泰姫陵", 仲有去古爾瑪高原(又稱"花之牧場"), 佢响海拔2700米, 也是世界最高最大的高爾夫球場(夏天), 因當時我地响2月去, 變咗厚厚的積雪添!
3. 紐西蘭, 一個我很喜歡很喜歡的旅遊地方, 若你是一個愛寧靜的人, 一定會很喜歡那裏, 好舒服, 好寫意, 風景很美, 處處都像是一幅美麗的圖畫, 每每在車上往外觀看, 兩邊盡是牧場, 一望無際, 視野廣闊, 牧場裏你又會見到好多好多好可愛的羊仔, 總之見人多過見羊, 而當地的治安也很好, 幾年前去時, 當地的警察是不需要配槍的呢!(著名景點有路多盧亞、奧克蘭-Skytower、皇后城、基督城等等)
希望這些經驗可給你參考啦!
圖片參考：http://tw.yimg.com/i/tw/ugc/rte/smiley_3.gif

樓上既朋友比左一啲常聽到既建議，小弟想比啲另類啲既建議，因為難得樓主唔駛理駛費。

首先我會建議你去阿拉斯加。嗰度緯度高，就算係夏天都係好涼，反而係遊覽既好季節，因為大部份地區都係北極內既阿拉斯加冬天實在太凍。去嗰度主要係坐遊輪睇冰川，好彩既話可以睇到極光。

第二個建議都係北極圈內同坐遊輪，不過今次係去挪威。挪威有好多狹窄既狹灣，風景同阿拉斯加同樣一流，不過去以上兩個地方都幾貴，每人至少要二萬。

唔想去咁北，去法國南部或希臘都唔錯。六月尾、七月頭啱啱未到旅遊旺季，而且呢兩度地方唔單止靚，而且因為近海既關係應該唔會好熱，好悠閒咁行下會好正。

希望上述既建議可以幫到樓主。

2008-05-27 23:35:01 補充：
仲有一個地方講漏左，不過真係唔知去唔去到，嗰度就係冰島。冰島係歐洲出晒名風景靚又無污染，同阿拉斯加及挪威一樣係極北所以夏天唔熱，旅行一流。不過香港應該無團去，要自由行，但係由於距離遠又要轉機，再加上嗰度物價勁貴，聽聞一個人既旅費起碼要三萬，樓主真係要考慮清楚。

澳洲呀.....來到昆士蘭，您可以緊貼大自然；品嘗美酒佳餚；瞭解土著文化，或是潛水追尋美麗珊瑚、瘋狂地購物，甚至只是懶洋洋的躺在海灘、悠閒享受特級水療等等。