有關持續進條基金和國家普通話水平測試

學資處規定申請持續進修基金(CEF)者需就讀持續進修基金認可的課程(CEF網頁裡有名單), 以及考試合格才能取回CEF資助. CEF不一定資助全部學費, 招生章程會講資助多少.
當一萬元包括考試費, 其實一萬元一個水平試應試班實在太貴. 坊間一個應試班(包考試)最平一千多, 最貴一般四五千. 如果可以扣CEF, 一般都只是交數百元.
普通話水平試分幾個部分, 讀單字、多音節字、判斷、讀文章、命題說話. 全部考試範圍可在<<普通話水平測試實施綱要>>($60)中找. 你看過這本書後, 就會知道考試範圍有多大.
一般做老師會要求一級至二級甲等成績. 個人認為, 在普通話水平測試考到高級(例如一級甲等和一級乙等)好難. 以我學校為例, 今年有四百多人應考, 沒有人考獲一級甲等, 只有七人考獲一級乙等, 多數只考獲三級甲等和乙等成績. 測試方面, 老師會改得幾嚴謹, 因為考試會要求純正讀音. 讀文章會就多方面去評分, 如果你想讀得準讀得順暢, 就要讀好多次.
應試班方面, 有些因為學生人數多, 學習時間少, 多數時間都是教讀字讀文章, 以及教如何準備各部分, 未必可以真的有時間可以糾正每位學生的讀音問題. 如果你對普通話拼音好熟, 你可以自修考試.

我今日都上左去,佢同我做個test,
之後話我普通話底子唔錯,再問我要散教定專業教,我話散教,跟住我話要散教..
講員後,佢話其實佢間公司其實唔請散教,因為成本問題...
接住佢俾封推薦信,叫我去偉林教育中心考張證書,如果考到三級或以上希望我去返佢間野教.但佢無講到要成萬蚊一個課程
其實我覺得佢係昆我上去,然後要我報course lo...

我自己就係o係呢間到讀 http://www.hkpvs.com.hk/index_co.jsp
根本讀一個證書唔洗成萬蚊既，你小心俾佢地欺騙你呀~~
你唔洗急啦,慢慢睇下想去邊到讀啦,中文大學同埋嶺南大學既校外課程都有，你再睇下讀邊間啦,讀一d有保證既學校安全d