✔ 最佳答案
想收養六個月大貓女,就等於收養一個大約八,九歲的細路女反屋企一樣,要諗的問題唔係隔唔隔籠與否,而係自由慣的貓貓願意安份守己咁乖乖咁同你留係屋企嗎?幾鐘意痴身都係習慣了自由的貓喔,牠會好難適應家居的生活哩.同你貓的相處是另一問題,有很多東西貓貓要重新學習,你要有心理準備去接受這一段容合期,期間貓貓如果唔習慣,或會有離家出走的可能,到時想搵翻都幾難.e樣唔可以唔考慮.
但如果已決定了:
1)咁隔離就一定須要,冇房間都可以放在洗手間,不過一定要困籠一個星期至十日,要視乎貓貓的情緒是否穩定.在隔離前要看醫生,來幫貓貓一個身體檢查先.另外籠的外面最好放有布簾(姐)住最好
2)在隔離期過後,就要另一輪的貓貓環境及與家中各貓的和合期開始,首先係放貓貓出嚟走一圈先,等佢知道以後依度就係佢屋企,開始教佢你屋企的家規,邊度可以去,邊度唔可以去,不過在摸貓貓時,就要先摸舊貓先,要新貓知道這位是家姐,亦要等舊貓知道你冇〔移情別戀〕這一種是心理安撫行為,好緊要的,對佢地張來相處及新貓對這個家的歸屬感都可以起決定性的作用.
3)新貓未必咁容易接受新環境,所以難免會有倒蛋行為,這時期你要按下自己的脾氣,唔好令新成員緊張,如果見曳曳唔使閙,用手勢或動作就已見效.用輕責的語氣加輕輕拍拍頭仔或鼻哥仔都得.
其實最適宜入屋的年齡係二個月至四個月之間,四個月後貓的個性已形成,所以較難管教.
2008-05-23 17:38:10 補充:
我對街貓,就算點鐘意都要忍手,我會同佢地絕育後放回原居地,繼續餵養.不過有一樣要記住,同街貓唔好走得太親近,唔係驚貓貓有菌,而係唔想佢地對人類失戒心,對街貓嚟講,小份戒心等於多重危險,所以疼惜牠們的,就唔好咁近牠們,但你所說的貓貓已經習慣了親人,咁對佢會好危險,我都贊成你收養佢.你知唔知而家好多人捉貓上大陸送死,所以為貓貓安全設想,都係同街貓保持距離,我所餵飼開的都係咁,只要讓佢地知道你冇惡意就已經足夠.唔使太親密的行為去代表的.