問題關於止蝕位!(10點)!!

1) 定止蝕位係因人而定, 也因股而定, 你可以用-5%或-10%, 一跌破就現價走; 如果隻股波幅大, 你用-5%, 一陣就到, 咁就無意思啦....
你講得啱, 無幾多人可以做到一趺破就賣, 就係佢地好似你咁, 怕轉頭又升番, 激死人。 所以投資叻, 係EQ 緊要過IQ。要知道一隻10元股票跌5元係50%跌幅, 但要由5元上番10元係要有100%升幅。 所謂升媛降促, 買貨可以慢, 止蝕一定要快先有效。
2) 如果你即日鮮好叻, 日日賺到錢, 你都可以試既, 可能你有股神既潛質呢; 不過, 有邊個話由來$8跌到$6.2就一定升? 隻0167在03年-04年曾經由$1升到$2, 今日跌到只有$0.325. 如果用你個方法買0167, 咁就一定變大閘蟹。
好多人都知買賣太多, 就輸多贏少, 點解? 你有無留意有交易費,假設隻10元股升跌都係1元, 50%升, 50%跌, 每次買賣要俾交易費約0.734%, 咁你既預期回報只係 (1- 0.00734) X 0.5 - (1+ 0.00734) X 0.5 = - 0.007, 係統計學, 預期回報係負就代表輸面其實大過贏面。
我就懶惰去認真計, 但寫BLOG寫到出書位市場先生有次寫BLOF話, 如果你每星期買進名各一次, 無論賺蝕, 買和賣52次, 你將損耗總投資金額的31.82%, 即是話, 你須要做到平均年回報31.82%以上才有錢賺，交易頻繁係有損投資收益。
我細個放暑假未做得暑期工時, 試過同d兄弟姐妹開賭局, 玩魚蝦蟹, 做莊個個唔抽水都越來越多錢, 做閒個個慢慢就無哂錢, 要改為為人民服務 - 轉做莊。最近又同個姪玩過, 當理財教育, 一樣係咁；所以賭博既野係做多錯多, 買股票博升都係一樣咋。

理論上止賺位and止蝕位係定o係買入價 /-10%, 不過如果股價係升勢如紅或突破左阻力位或升穿10天、20天、50天線, 長升長有的話, 你可將止賺位上移至15%或20%. 反之, 如果股價越跌越有, 跌越10%走唔切, 20%都要忍痛沽貨離場、換馬, 唔係就要坐脡, 唔知幾時返到家鄉. 理論係死o既, 最重要識執生, 知冇!!
Day trade 都唔錯, 不過如果唔賺得多, 分分鐘會蝕埋手續費.
個人經驗, 最多揀選3-5隻股票來買, 不要將投資分得太散, 買太多股票, 同一時間係兼顧唔到.
現時玩法, 每落注一隻股票後, 必須留有兩注錢在手, 策略係萬一股市大跌, 每跌1000點可買平貨/溝貨.

其實e d野好難搞,只是睇你有沒有信心罷了,又睇你輸唔輸得!
最好唔理!