有關魚缸燈種水草問題

你想種乜野草先？陽性草（生得快，對光同ｃｏ２甚至肥需求都高）同陰性草（室內光都ｏｋ，亦唔係必須ｃｏ２，但有好過冇）要求差好遠。以下當你種陽草咁答先啦。
種水草對燈o既要求包括：
１．穿透力：陽草缸往往多ｄ矮身前景草，甚至係鋪草皮，咁燈光就要穿透水o既深度去到泥面先得。鹵素燈穿透力最高，其次係ｔ５ｈｏ、ｐｌ、ｔ５、ｔ８，而散發o既熱力亦順呢個次序遞減。
２．色溫：水草能夠吸收o既，約係色溫 6500-8000k 呢個範圍。其他只會被藻吸收，所以種草o既人唔會用。燈要白光。
３．火數：火數其實等於能量，所以大火數o既電器耗電量亦較大。陽草缸約要１Ｌ水１ｗ；當然少草的話可以相應減少火數。
首先你要明白一點：唔係燈愈強（穿透力／火數）愈好。照燈等於將能量送入缸中，草用唔哂，就會益哂ｄ藻，所以火數過大o既缸，就會o係玻璃面狂生青苔。
火數大o既燈，產生o既熱力會多（因為冇效能百份百o既燈，電能無可能完全變成光能，相當部份會變成熱），水溫過高對草唔係好事，有ｄ草直頭不能高於２５度，否則會溶葉。鹵素燈係其中表表者，所用鹵素燈好多時都冇法唔用水冷。
講到呢度，可以睇返你列出o既燈。鹵素當然唔係最好，但水深多於１８寸就有時焗住要用（視乎草種），否則其實可以用其他燈具。石英燈亦係效能低o既燈（熱到熨手），而且光偏黃。小太陽燈唔知係乜；鎢絲膽同石英燈都係o個ｄ問題。慳電膽冇乜人用，但我知其實都冇色溫揀，就當火數都ｏｋ，但都仲有問題：膽始終發光源係一點，所以要一排咁用好幾個，否則會有好多死位。你有冇興趣做下試驗？

2008-05-23 08:10:59 補充：
一點回應：

「用石英燈,小太陽燈應該可以種水草」：無錯，只要有光就得，但效果如何的確相差好遠

2008-05-23 08:17:45 補充：
「鹵素燈由於色溫與演色性極佳,且具有相當良好的集光性,而種水草一定要有充足光線才能成事, 故常常作為重點照明的燈源」

無錯，但o係 yahoo 知識「有人話」，唔代表一定係真，因為唔怕得罪講，呢度好多人都係上網抄，而仲係不負責任咁亂抄。呢個答案一睇就知唔妥（即使睇落好有理論根據）。你可以用 google 搵下「除非能買得到高效率的電子式VHO燈具」，你就會知，呢編野早在２００６年已經被人轉貼，講緊係－－珊瑚缸！！！

下續．．．

2008-05-23 08:21:51 補充：
http://www.google.com.hk/search?hl=zh-TW&q=%22%E9%99%A4%E9%9D%9E%E8%83%BD%E8%B2%B7%E5%BE%97%E5%88%B0%E9%AB%98%E6%95%88%E7%8E%87%E7%9A%84%E9%9B%BB%E5%AD%90%E5%BC%8FVHO%E7%87%88%E5%85%B7%22&meta=&aq=f

下續．．．

2008-05-23 08:21:59 補充：
其實鹵素燈一開始真係專用於珊瑚缸o既，但係種草o既人ｄ缸愈開愈大，水深左，一般燈管穿透力不足，先用到鹵素燈。而種草用一般只係用到１５０ｗ為止，因為光線已經好強同好熱，會引致爆藻同水溫升高！

即使係要強光o既草，只要水深不足１８寸，用ｔ５ｈｏ光管已經能夠令佢生長良好，紅草亦會發紅！所以揀燈管種類，水深係最大關鍵！唔好以為強就係好，法拉利o係紅隧塞住車慢慢行，發揮唔到不得止，分分鐘著火！

其實邊種燈都應該種到水草嫁,
因為咩燈都係發光之嘛,
都無話會發唔同種類既光
所以用石英燈,小太陽燈應該可以種水草

物理學角度黎講,
光譜是要用來檢測恆星的年齡及表面溫度
(from: http://www.phy.ntnu.edu.tw/demolab/phpBB/viewtopic.php?topic=5025 )
而光譜會對水草既生長有一定影響
選購時要清楚自己魚缸的容量、所種的草類(陰草或陽草)、燈的光普、光度及種類
(from: http://new.cyberctm.com/blog/gambling/archives/category/%E6%9C%AA%E5%88%86%E9%A1%9E/ )

聽人講,
用鹵素燈種水草係好好~

鹵素燈由於色溫與演色性極佳,且具有相當良好的集光性,而種水草一定要有充足光線才能成事, 故常常作為重點照明的燈源。

一般大概的標準,就是1L水1W,只有對於小小缸才會建議主光用PL或FL燈管,除非能買得到高效率的電子式VHO燈具,不然一大都採用全光譜的HQI,一個HQI,有 70W 100W 150W 175W 250W 400W~1000W…等,一顆HQI的範圍約60CM~60CM,當然燈具的設計會影響很大,一般來說40cm深以下的缸子才會考慮70w 100w 150w 175w, 40~50cm會考慮250w,50~60cm可考慮400w的燈,但很重要的要考慮到燈具的設計和反射效果,而燈泡的選擇也有很多種,各種顏色,光照度都有很大的不同,端要看你飼養的種類
(http://hk.knowledge.yahoo.com/question/?qid=7007071801546)

以下係一個新知識度參考,
內容係介紹種咩水草要用咩缸燈~

(1)鹵素燈：適合強光需求的水草。(如紅蝴蝶、百葉草、大部分一些紅色係的水草都比較喜歡較強的光線)

(2)水銀燈：適合中高光量需求的水草。(如中柳、小羅蘭、皇冠草、大部分綠色係的水草只要中光量就能種得很好)

(3)植物燈管：由於亮度比較低所以只能種適合低光量的水草。(如髮苔草, 鐵皇冠, 榕葉類的水草低光亮就可足夠了。)

(4)太陽燈管：可依水草的需求度增加或減少燈具數。

除左燈之外,
另外泥底、CO2都好重要,
無左呢兩樣野既話,
種既水草亦未必生得靚
所以係呢兩方面都要著重一d~