Canon Vs Nikon 買邊隻好

如果只係同家人影下紀念照,咁其實Nikon D60套裝都應該足夠,只要五千幾蚊,套裝鏡又有埋防震.
但係如果玩玩下諗住加鏡,佢既擴展性就有啲不足.因為冇機身摩打,只可以用有鏡身摩打既鏡頭.變咗選揀小咗.例如想玩下人像淺景深,其他有機身摩打既機可以用六百幾蚊買支50mm f1.8,但係D60變咗冇自動對焦,要手動對焦.其他大光圈長zoom鏡又勁貴.
又例如想影下跑動中既小朋友,D60得3點對焦點,仲集中晒喺中間,變咗小朋友又淨係可以放中間.
相比下Canon 450D就全面啲,有機身摩打又有平價原廠50mm 1.8鏡,雖然只有中間一點係十字型,都叫做有9點對焦點,唔駛影動態時局限咗主體一定要喺中間.仲有live view,雖然唔係好好用,但係俾用慣DC既人幫手影相都唔駛解釋咁多.有時有啲唔係太勁既高低角度用下都唔錯的.套裝鏡都有防震,只係貴D60一千蚊左右,建議考慮450D多啲
至於中階機我又係建議Canon 40D多啲.而且亦係4部機之中最推薦的一部,D80嚴格來講唔係40D個級數,只可以算補翻D60既缺陷,依然係膠機身,得一點十字對焦,連拍依然係入門級既每秒3張.不過都有翻中階機應有既五稜鏡觀景窗,否則就唔值得買.
40D就無論用料同功能都正好多,金屬機身,五稜鏡觀景窗,9點十字型對焦點,中央仲要係雙十字對焦,每秒6.5幅連拍.用起來得心應手好多.如果預算唔係問題,就算影普通嘢我都建議買佢多過450D.
不過有一樣要留意,中階機的畫質基本上同入門機係冇大分別的.貴只貴在操控同用料上.
雖然你冇提到鏡頭,但我都有小小建議,買40D的話最好配大光圈鏡頭,因為鏡頭要有f2.8中央雙十字對焦點先會生效.我覺得最匹配既就係Canon 17-55mm f2.8 IS USM.雖然要六千幾蚊,但係大光圈,防震,超聲波對焦也都齊,光學質素也好.有啲人可能會叫你買L鏡例如17-40mm f4L,一來冇防震,二來L鏡咁貴係因為要照顧全片幅相機,好多錢係花咗去改善邊緣解像度,但用在40D上外圍都裁走晒,冇乜謂.至於副廠名鏡Tamron 17-50mm f2.8雖然光學質素也不錯,又有大光圈,又平只要二千尾,但就冇咗防震,唔係咁方便.
至於D80我覺得一係主力方便買翻D60支kit lens 18-55mm f3.5-5.6 VR, 或者貴啲買18-200mm f3.5-5.6 VR.一係就主力大光圈,高畫質,買Tamron 17-50mm f2.8,放棄防震.
以下網頁可以睇到鏡頭同部份機身價錢.
http://www.ygdragon.net/