✔ 最佳答案
狗仔病的時候,一定會冇晒胃口!
等於人病左一樣, 人病緊既時候見到咩食物都想反胃.
我隻狗以前大病過, 一樣死都唔肯食野, 同樣佢亦有食醫生的藥!
在牠唔肯進食期間, 你可以去一d寵物店買一支營養膏比佢食,
好似牙膏狀的, 呢種營養膏係集合好多種營養於一身,係比d狗仔唔肯食野or有病的狗而設的~ 通常你去到pet shop一問d店員佢地就會拎比你睇! 雖然支膏陣味幾吸引d狗仔,不過總有d狗係死都唔肯食, 如果你隻狗唔肯食既話, 你就捉住佢個頭, 然後將支膏直接-唧-在牠的鼻子上,牠自然就會用舌頭-lam-了.
咁當然要額外比d飽肚既供給品佢食啦,因為單靠支膏係唔會有飽肚感的, 你可以試下煮d麥片(不要加奶煮),剩係加水煮就ok, 待麥片和暖後, 你試下直接比佢食,如果佢唔肯食, 你就去藥房買一支最大size既針筒, 然後拔走銀色個針頭(記住小心手), 拔掉針頭後就直接放在麥片上把麥片抽出, 抽好後就直接放到狗狗口內差不多到喉嚨的邊邊位,(最好兩個人一齊做,一個負責捉實佢唔好比佢動, 另一個就把針筒放到狗狗個口), 然後把麥片輕輕的-唧-到牠的口內, 要一下一下的,不要急, -唧-小小,待牠吞了才重覆以上動作!
2008-05-22 10:03:02 補充:
P.S: 緊記針頭銀色尖銳位是不要的, 一拔掉後就直接棄掉在垃圾桶~不要抽完麥片後不小心又將尖銳部份安裝回上去噢!
參考: 獸醫提供的.