一個怕唱歌的人應該選擇甚麼歌曲來唱?

你因為要面試而唱歌，但你又怕o係陌生人面前唱。

首先，你要選擇一首自己真係好熟、好鍾意，而且又唔會因為緊張而走音、破音、忘詞o既歌。簡單 D 講，o者係一首對你o黎講好有印象或者好有紀念意義o既歌。因為一首歌對你影響愈深，你對果首歌o既印象就會更加深，咁樣你會識得用咩感情去演譯果首歌，亦唔會因為其他環境因素而影響你o既表現。

其次，了解自己把聲(可用音域)去到邊，然後選擇適當o既歌曲。一般o黎講，我o地一緊張把聲會收緊同收窄，所以選歌盡量唔好揀一 D 差 D 就破音o既歌，因為到時臨場一緊張時就實會有蝦 look o既場面出現，會好糗(o係陌生人面前破音、走音，果種感覺真係.......)
要為自己把聲留番 1- 2個 key o既空位，到時病o左 or 把聲出事都唔會影響咁大。

頭先果兩點係之前o既熱身，而家講番你問o既問題：唱快歌定慢歌？

根據面試，我相信一般會係清唱(無音樂伴奏)為主。如果評表現o既話，就會睇你o既信心、音量、感情、節拍。而拍子更為重要，因為冇音樂伴奏，你仲可以控制音高、感情、音量，但節拍往往就會因為緊張而亂，節拍一亂成首歌就變得乏味，所以拍子好重要。

至於快歌定慢歌，我會咁睇：
尤於感情、音高、音量都可以o係面試前練好，唯獨拍子就真係睇臨場發揮，所以我會針對拍子o黎選歌。

我先分析快歌同慢歌o係清唱時o既優劣：
快歌
(優)：節奏明快，可用較明亮的聲線演譯，較容易掌握節奏。
(劣)：歌曲的感情演譯亦不及慢歌那樣具彈性。

慢歌
(優)：較偏重感情，演譯上較能發揮(如果發揮正常的話)
(劣)：難捉拍子，易甩拍子，容易因緊張而唱快。

尤其你怕對陌生人唱歌，面試時可能更緊張，所以我較建議選擇節奏明快的快歌，一來易捉拍子，二來拍子不會太易甩掉。建議你揀歌時，搵一 D 有好重鼓聲的歌曲(重 bass)，因為鼓是一首歌拍子的靈魂，我不建議揀一些編曲無鼓或少鼓的歌(e.g.富士山下)或一些節奏常變的歌曲(e.g.曹格 d 歌)。

我比較傾向揀古巨基首《年年有今日》，一來係 beatbox(唔知有冇打錯，打錯請指證)，而且個節奏感好強，屬中快版歌曲，當然，要睇番自己o岩唔o岩唱 la~

講多少少，記得面試前十至十五分鐘好到面試場地並坐低安靜心神，開開聲，捉捉拍子。面試清唱時可以 click 手指以提醒自己個節奏，盡量唔好偏離。

希望以上資料可以幫到你la~
祝你面試成功^^

唔該哂各位嘅意見
我其實係學話劇 但佢面試要我唱歌.....
我本身有唱開/中2 ge歌...
係jay ge7里香...但我怕女仔唱會好難聽....
所以我選左sodagreen ge小情歌
我把聲本來就低唱又細聲又容易走音又震.......
都唔知點練

咁你面試係搵工／興趣而參加ｇｅ活動？
而你多唔多唱ｋ？我覺得有唱ｋ的人
應該比較唔怕向陌生人唱歌呀
如果要眼神交流，最好望人地個鼻，真係冇咁驚ｇａ
一定要有信心！

你揀ｇｅ歌１定係你好熟好熟，成日哼住ｇｅ
又好有特別意義，易上口，唔會忘記歌詞～
你唱親都會好定ｇｅ
快慢歌都係因人而異
好多人覺得唱慢歌參加歌唱比賽係比快歌好ｄ
因為唱慢歌少ｄ唔記得歌詞
快歌真係要好放～先會唱得好！
仲要夠氣，有感情
有埋動作配合
但係唱慢歌就可以落足感情融入歌詞之中就ｏｋ～

快歌定慢歌就唔使考慮0架喇，

最緊要嘅係，

嗰首歌係你鐘意嘅 / 熟識嘅 / 令你好大感受嘅 ，

如果你唔識揀，

都可以揾家人/朋友幫吓手，

唱俾佢哋聽，

揀出一首佢哋認為你唱得最好嘅。

祝你面試成功ar！ ^^