牙....牙....智慧齒....一問.....(有經驗人)

政府所有牙科服務只提供比公務員(唔分職級)同高級醫管局職員才可亨用, 除非大鑊CASE(大吉利是), 我地普通市民唔洗諗.

答番你個問題, 以你講既情況睇, 都同我有d似, 我係補完隻牙之後都重係痛, 因為蛀得太深, 要杜牙根, 我$400補隻大牙, 牙醫補時已同我講如果補完都重係痛就要杜牙根,佢補時落左D藥落去隻牙到, 睇下隻牙會唔會自己掙扎好番, 但我都係痛咁就唯有杜牙啦, 咁杜既時候個牙醫話都算近日子番去做所以減番$400, 即$2400杜一隻牙根.

不過我唔知你個牙醫有無同你照x光, 因為X光係可以幫個牙醫更專業去判斷個情況既, 智慧牙其實一照X光已可睇得出, 我都唔明點解你個牙醫睇唔到,X光可以照埋牙腳同牙床底下肉眼睇唔到既地方嘛, 咁咪唔洗浪費時間, 你又要驚多幾日囉.

你宜家不如等多幾日睇下隻補左既牙有無痛,如果唔痛就OK, 痛就再請牙醫判斷係咪智慧牙, 唔係既就要杜牙根, 係既就剥左佢啦, 咁我建議你智慧牙唔好左右一齊剥, 因為你一定食唔到野又訓唔到, 個牙醫都會SUGGEST你分開左右兩次剥, 一來可食野,二來消腫效果好d.

剥完智慧牙兩星期內唔可食/飲太熱, 太凍, 太酸既食品,特別係下排牙, 因為下排係要開刀剥既(上排反而簡單), 係有傷口既, 咁我剥完都痛左足足5日(唔係我誇張, 我d friend全部都係痛5,6日), 慢慢食野都ok, 你宜家夏天剥已好, 我個friend冬天剥好慘, 食唔到熱野, 又要食消炎藥, 個胃都痛埋, 基本上四個鐘一次既消炎藥食都食唔切, 幾痛架, 但你一邊一隻就好d(我一次剥右面上下排各一隻), 個傷口避免掂到, 即刷牙都要小心, 一般十日內傷口會表面埋口, 但裏面就要過多幾日.

我就4年前剥, $1400隻, 因為前後要剥三隻既關係, 個牙醫收我8折, 最後個次藥費都唔收, 都幾好人. 你可以問多幾間比較, 不過都係自己住開個頭好d, 佢剥時落重麻藥, 如果你唔清醒個牙醫會要求有人接你先比你走架, 所以搵間近既, 快d搞完可早d番屋企休息嘛.

我個次係 瑪麗醫院牙科脫牙的
公務員, 唔駛錢

我坐低三十分鐘就脫起身走喇, 痛左3日度啦, 不過有止痛藥
過程完全唔痛, 因為有麻醉, 但係當麻醉過後就有點痛喇, 我即晚就去左食壽司~~
個洞半個月度就埋左口喇

唔會痛到訓唔到