垃圾屋企,我可以點做?

我亞爸之前都係咁,之後我搬去男朋友度住,不過家用照比,佢鬧我比得少,我駁返佢因為我冇用過家中任何野包括水電煤。之後可能耐少見左,試問呢個世界邊有唔愛自己仔女既父母,最後佢冇怨,仲好希望我多d返屋企。

我亞爸脾氣都好鬼差,成日亂咁鬧人,當然我作為佢個女都似佢咁牛皮氣啦。所以都有反擊同佢嘈,有一次同嬲左佢地個月,唔叫佢唔睬佢。後來係亞媽口中得知亞爸好唔開心,仲喊添。聽完之後第一個反應係開心因為戰勝,但諗深一層覺得自己好唔岩,個晚我返左屋企扮冇野咁叫返我老豆。之後好直咁同佢講,我大個架喇你以後唔好咁煩成日哦,仲有你D脾氣好差,你再老D都係咁我頂你唔順送你去老人院都冇人收。之後佢覺得好好笑仲笑住咁鬧我不孝送父母入老人院。

你個問題好多家庭都會發生,而好多父母都好要面,佢地當然想係人地面前SHOW OFF。包括我父母,唔開心呻下囉。唔好同我一樣同佢地嘈,我係一個個別例子,我係一個壞小孩!!!唔好學呀~

仲有宜家好多父母都唔知仔女有D咩壓力承擔緊,咁你咪拎出黎同佢地傾囉。

1.俾家用-你拎D帳單比佢睇,你每月要付出幾多,同佢傾你可以比幾多佢地,要有共識,等佢地冇得嘈。如果佢地又嘈要加多D錢,有要求就要有付出,叫佢地幫你分擔D債......如果唔係唔好加。

2.早結婚-結婚要錢冇錢點結,你問佢地係唔係佢地比,如果唔係你同佢地解釋你負擔不起.....

3.對住呢d父母-你受氣都受左咁多年,忍都忍左咁耐!你宜家都係呻下咁...如果真係唔掂同佢地三口六面傾下,如果佢地係火爆型,帶佢地出去飲茶於公眾場分傾,佢地一定唔會大大聲嘈你既。家醜不出外傅,我諗係公眾場合佢地會低調好似平時傾計咁傾,唔岩聽佢地最多都可能扮聽唔到......

同佢地傾下啦,你係親生既佢地一定會CARE你架喎....

我覺得網友"gulicov6"真係講盡晒好多人o既心聲, very good、excellent!!

其實上一代o既父母係咁架la, 你自救的方法係每月都要有固定「儲蓄」, 冇$1000, 都要有$500, 積少成多, 當你有錢可獨立, 自不然就可以走出呢個悶局.

** 每月$1000可月供股票or月供基金做投資

憑你所寫, 就睇得出你根本自小嫌棄自己屋企窮, 父母養到你長大成才, 現在大學畢業, 正所謂無功都有勞, 你問吓你自己, 係咪想擺脫呢個屋企, 最好唔使你比錢, 好冇? 你讀咁多書都冇用, 連最基本o既人格都有問題, 竟然公開喺度鬧自己o既父母, 唔會有人撐你, 自己檢討吓, 面壁思過.

一個人問心無愧已經足夠, 無需理會太多.
處之泰然便是.