初手養狗好多問題

所有狗狗都唔難教，只要有耐心同愛心，睇準佢性格因材施教就得，況且史納莎都係十大聰明狗狗，溝通多Ｄ就唔驚，但你一定要確立好你係主人，唔係話佢吠兩聲就比嘢佢食、要同玩佢等；但當然吠有好多意思，多溝通先明白，有時水樽無水、好想去大小便等都可能吠去引起你注意。
怕沖涼就要慢慢建立信心後就可解決，如用花灑先响後腳開始，唔好一嚟就沖背脊，照头淋佢就仲驚！由後腳開始睇吓佢会唔会覺得水温太熱/太凍，一般狗狗都唔要太熱，唔好用人嘅標準呀！慢慢調好水温，見佢唔太抗拒先淋向pat pat再去全身，頭就要先托起，避免水入眼，佢会驚，面就唔好淋，用手幫佢洗！注意如比佢可正面望到你，佢会安心好多；沖涼時一路讚吓佢乖、叻同佢傾偈好好多；沖完都要讚佢好靚、乾淨等；試多几次佢會知沖涼唔可怕，主人又會好開心，佢就好樂意咁做！一路沖涼一路比主人鬧嘅話，唔驚先奇啦！
一歲幾應該已試過一次，你係由細養大定係收養？一般八个月至一歲就有第一次，一年兩次；如你唔係想佢生bb最好做絕育，尤其女仔，可減少好多致命疾病，好多朋友嘅狗狗都出事，希望你可考慮。

史納莎好易養架咋 他們好好動囉 唔太難教
(其實係睇狗既 我自己有3隻史納莎 2隻唔太鐘意郁既
一隻就好活潑)
狗狗怕沖涼 你可以沖涼既時候 先用水拍下佢個身
等佢濕左 先用花灑同佢沖 但唔好整到佢個鼻同眼 佢地會反感架
如果用盤就唔好放太多了 D水壓會令佢地驚架 比D野佢地抓住會有安全感D囉 應該差唔多MC黎架啦 大約10幾日啦 之後就6個月來一次