用咩藉口去答好......煩死人喇!!!

我宜家同緊我男朋友住,仲有佢屋企人同個工人。

問題就在於個工人佢26歲,同我差唔多年齡,照計口味應該差唔多。

但佢煮野食真係好難食.....我宜家返工帶飯差唔多一個月,但日日打開個飯盒就唔想食。攪到我返工冇咩點食飯放工就要第一時間去買魚蛋,燒賣食......而我想存多d錢所以唔出街食同叫外賣。
難食例子:
1.叫佢整茄汁豬扒,教埋佢點整...出黎既結果係煎完豬扒加左半枝茄汁。即係茄汁點豬扒!!!平時煮豬扒會將醃過既汁倒埋落去煮,仲要加水炆......咁即係唔係煎豬扒啦係滾豬扒.......

2.煎雞翼,D雞翼冇醃過,食落口冇味......佢竟然話拎枝茄汁出黎點...又係茄汁。

-----我放假會自己主動煮飯,但返工我無能為力---------

宜家我同我男朋友想每晚返自己屋企食我亞爸煮既飯同帶埋個d飯

1.如果佢亞爸亞媽問起點解唔返屋企食飯要點答?

2.因為我係我男朋友屋企訓,咁所以我要拎埋自己屋企整飯盒去佢屋 企,一定要放雪櫃如果比佢工人見到個飯盒點答好?

P.S. 1.唔可以話出街食一次半次冇所謂,但係佢父母唔鐘意。
2.唔可以當面話個工人煮野好難食,費事佢唔開心。