我覺得我屋企好亂..........

我真係覺得我屋企好亂,,想搵人傾下*//篇野長左d,,但都希望你地可以答下我
話說我媽咪同爸當初唔係因為兩情相悅而結婚,,係因為我呀[女麻]叫佢地結婚先會結
因為我媽係我呀女麻收養返黎既,,所以都要結啦
佢地根本就唔愛對方,什至互相憎恨,其實我好想佢地離婚架
我由細到大都好憎我呀爸,佢食軟飯,唔講信用,勁大男人主義,成日專登搵野黎鬧我
佢每次黎鬧我都要多人時先鬧,,我好清楚,,佢只係想比人見到佢做我老豆既威嚴
佢想比人睇下佢有幾威
佢唔出去做野,,冇乜學歷又老土,,又唔肯由低做起
佢一定要搵份舒舒服服既工先肯,,而家邊有咁多呢d工丫
以我所知,,佢應該冇工做,,只係日日對住部電腦買股票
係人地親戚面前成日話要請食飯,,扮哂有錢咁
我爸爸佢唔比媽咪家用,,係一仙都冇
所以我媽咪一個女人要養哂成家{加埋我同哥},,仲要養埋爺爺女麻女麻
佢返工返夜晚,,好辛苦架
我媽咪係一個好貪令既人,,佢為左令我地過得舒服d,,自己唔會買護膚品同化妝品
我爸爸成日上大陸,,次次見到間主人房得媽咪一個訓係到,,我覺得有d心痛
雖然我真係寧願爸爸返大陸,,永遠都唔會再再返黎
我知道左其實爸o係大陸包二奶,,但我唔敢同媽咪講,,我唔想佢唔開心
同埋呢我覺得我老豆好咸濕,,記得細細個唔識野,,我沖緊涼個時有同學打電話黎
爸佢明知我沖緊涼都仲要叫我開門.開左門之後佢係狂望我lor,,
我諗返起佢個時個淫樣真係好想打佢!!
而家我大個左,,有時夏天著短3短褲出街佢又係勁望,,由上望到下
我真係好唔明白點解佢要咁樣望自己個女lor
我d朋友既老豆唔係咁架,,就算望,,係以帶有父愛既眼神
但我爸爸唔係!!佢就好似係街上面成日望女仔個d呀伯!!

我屋企d人好重男輕女架,,我係一個女仔,,我屋企差唔多成屋都係男
屋企人成日都要我讓比佢地,,就算細過我既,,我都一定要讓
我好唔想o係依個家庭生活呀,,我覺得自己生活得好唔開心
o係學校仲開心過o係屋企,,比老豆佺端端鬧我時
我成日都好想衝入kitchen,,攞把菜刀出黎!!
我曾經係將床到為左屋企既事喊過好多好多好多次
我覺得我永遠係比人欺負個個,,計細我10年既表弟都可以鬧我笨
所以我有時候好冇自信
見到一d好自戀既人,,我覺得佢地係幸福過我
其實我好想知道: 究竟點樣既家庭先可以培養出咁自信既人?
我好想自己係一朵溫室裡既小花,,
比親人既溫暖包圍住,,可惜我唔係....