小銀狐....我經常被你咬...好想咬番你啊!!!

A.養好多寵物都係,好難話一養,就要寵物當自己係主人咁看待,咁快就咁急咁對鼠鼠,鼠鼠當然係驚左你
而鼠鼠身體細小,冇咩自我保護既能力,咁係會更加怕人,你愈心急要同鼠鼠熟,愈明嚇怕鼠鼠,試想下,如果忽然有日有隻大你咁多既動物帶你去一個陌生既地方,一日抱起你,你會有咩感覺呢?
加上你一籠兩鼠,獨居既鼠鼠唔慣同第隻鼠一齊住,咁會感到壓力,除左易生病之外,仲特別易咬人,希望你真係可以考慮一籠一鼠,原因之前回答過你,唔再多講了
一籠一鼠,再慢慢同鼠鼠建立關係,就自然冇咁易咬你了

B.鼠鼠會記得你既聲音,但唔會係幾日內就會記得,一定要俾多D耐性去同鼠鼠熟,咁短時間放鼠鼠出唻,除左會嚇親鼠鼠之外,仲好易走鼠呢

其實鼠鼠買返唻既初時,頭兩日應該唔好打擾佢,而家可以俾鼠鼠靜兩日,再試下以下方法同鼠鼠建立關係:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

C.唔熟小西灣唔知道邊度有鼠零食買,抱歉!不過並唔建議買零食俾鼠鼠食,食零食好易令鼠鼠肥胖,肥胖會誘發好多疾病,其實只係俾混合主糧同時都可以加d鼠專食既牧草or草磚已經好足夠
而家既鼠糧都係經研究而鼠成,好有營養既,而主糧係指一包有好多種唔同野食既糧.我 近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,但都要留意,唔好俾鼠鼠偏食,差不多食晒D糧先再添加會好D,唔係就好易食晒入面既瓜子

一般正常情況下,並唔建議俾鼠糧以外既野俾鼠鼠食,除左以下呢幾個情況:
1)萬一鼠鼠便秘既話,其實可以俾d橙衣俾鼠鼠食,唔太多水份,又有益,我細個時試過鼠鼠便秘,食完橙之後肚瀉添
2)若鼠鼠瘦弱生病,就可以食白麵包or麥片去補充營養
3)如果冇晒糧又未買得切,就可以暫時以白米代替,但都要盡快買返糧
4)若鼠鼠生育後,餵奶期間可以俾奶粉沖既奶佢飲,切勿俾鮮奶,唔係好易肚瀉

2008-05-22 03:13:29 補充：
謝謝小羊支持^^

本人ge 两隻鼠鼠養左超過一年, 比佢地咬過無數次, 細 鼠鼠容易咬人, 大 d ge 好似熊仔鼠就斯文d, 絕小咬人. 唔好咁快放佢出黎玩, 佢地都未適應自己個籠又要佢地試新野, 當然驚啦，耐心 d ! 你瀏覽一吓(杰~知識長)個file, 學倒好多養鼠ge知識，我都係跟佢學ga~