樹仁入學要求一問 ..... 10 點 !!

其實你上年成績已經符合入學要求. 但因為樹仁一定要同一張cert符合入學要求, 所以你報名時帶埋今年及上年的成績, 上年的成績用作報名, 今年的成績可以供校方參考.
所有申請者都有面試機會. 成績愈高, 面試要求就會愈低. 如果只係得4E, 你面試表現一定要好好先有機會收, 因為過往幾年學生成績最起碼有幾科D, 甚至有一兩科C或更好的都有.
如果你語文成績弱, 入讀新聞及傳播學系、中文系及英文系會比較難, 尤其新傳系, 因為該系係樹仁最出名學系, 吸引好多學生選擇做first choice. 新傳系對語文成績及面試表現有一定要求. 就算收, 都會讀得好辛苦. 其他我唔敢講機會有多大, 因為要睇番面試表現. 但如果單睇成績, 申請其他學系(不計合辦課程)成功機會不大.
P.S.: 報名時會要求你選擇最多3個課程(包括合辦課程, 當然你可以只選1個或2個), 但校方只會為你第一個選擇安排面試. 如果你面試表現符合入第一個選擇的要求, 第一個選擇就會收你. 如果唔收, 學校就根據你面試表現去決定會否收你入第二選擇, 如此類推.