持續肛門痕癢

我係護士黎既, 你可以睇番我既資料, 多數都係醫護問題[我多數唔係copy and paste比書本答案, 係於實際情況比答案, 但只是就發問者提出個人意見, 如發問者問的問題失實或不詳細, 就只以問題作出解答, 不一定是最終treatment既答案, 因為人的機制很複雜, 不是用一句問題就可看出全部既因素]


呢個係我既blog , 歡迎參觀[有好多醫護知識係裏面]
答:
其實你真係要知你係唔係真係生蟲先？
因為你早晚痒真係生蟲既徵狀
因為d蟲會係早晚係肛門活動
你係去公立醫生睇？
定係自己食藥黎杜蟲？
因為去公立會驗屎
睇下係乜蟲先會對症下藥
但係如真係醫生確定係蟲
而食藥一次唔好, 咁下次佢會轉藥比你, 唔會一年都唔會好
而如真係確認唔係生蟲, 咁就係敏感啦
咁就真係無得搗, 最多搽d止敏膏
但係唔好自己以為係乜病
如果唔係到最後要急到去睇醫生就藥食無靈

2008-05-28 07:27:42 補充：
如果你本身有痔瘡
咁又係成日都痒
唔係早晚痒
咁者係其實係你既痔瘡痒啦
唔多關生蟲事

但係如你有消瘦及食慾不振等就要去睇下醫生
因為好可能真係關生蟲事
如無
都係痔瘡痒啦

2008-05-28 07:31:46 補充：
sorry
因為你唔係補充問題\
係寫係意見到
所以我睇唔到

很多謝兩位樓主意見,看來兩位都好專業,不知是否心理作用,總係覺得自己係生蟲,因不時痕癢果陣係覺得肛門附近有d蟲係度郁郁下,但又聽人講話d蟲夜晚先出動,但自己係不分日夜地痕,不過多數時間係少痕.痣瘡後遺症都有諗過,因本人到生過一次痣瘡,但我係生痣瘡前都已有痕,果時生痣都係去藥房買成藥食同搽3-4星期好返.自己無去過醫院檢查,只係睇過一次私家醫生,醫生叫我搵人望下肛門位係咪有蟲,但自己就無d甘親密的朋友,又唔想叫屋企人幫,最後都係食左粒杜蟲藥,之後又去藥房買d杜蟲藥,頭幾日唔知係咪心理作用好似無甘痕,但之後都係甘痕.......

肛門痕癢可能是吃刺激性東西引起,特別是香料及辣椒。時常腹瀉及失禁亦是原因。
真菌感染(yeast infection)和糖尿,AIDS及長期使用抗生素有關。寄生蟲可引起肛門痕癢,但你說杜蟲藥食過幾次都無效,大概你無生蟲吧。
你身體如有皮膚病,像牛皮癬(Psoriasis)亦會令肛門痕癢。
上述為一般醫學狀況,至於肛門本身問題,以痔漏(hemorrhoids and anal fistulas)及克隆病(Crohns Disease)後遺症居多。
若你沒有上述的醫學狀況,便試戒口,注意飲食,留意內衣褲是否有洗衣粉令你敏感等。
試買Triderm Cream外用，多成份、便宜及效果不錯。